محکمہ صحت سندھ کا کہنا ہےکہ ویکسین کی قلت ہے اس لیے ہیلتھ ورکرز اور 50 سال سے زائد عمر کے افراد کو ترجیحی بنیادوں پر فری بوسٹر ویکسین لگا رہے ہیں۔

محکمہ صحت سندھ کا کہنا ہےکہ وفاقی حکومت نے صرف 5 لاکھ فائزر ویکسین سندھ کو فراہم کی ہے۔ مزید 5 لاکھ فائزر،5 لاکھ موڈرنا اور 5 لاکھ ایسٹرازینکا ویکسین فراہمی کے منتظر ہیں۔

محکمہ صحت کے مطابق جناح اسپتال اور ڈاؤ میں فری بوسٹر ویکسین لگانے کا سلسلہ شروع کر دیا ہے۔

سندھ میں اس وقت 2 لاکھ 84 ہزار 949 موڈرنا ویکسین ،ایک لاکھ 22 ہزار 320 اسپٹنک ، 6 لاکھ 69 ہزار 802 فائزر جبکہ 25 ہزار سے زائد ایسٹرازینکا ویکسین کی خوراک موجود ہیں۔

واضح رہےکہ امریکہ اور متحدہ عرب امارات ( یو اے ای ) میں بھی نئے کورونا وائرس ویرینٹ اومی کرون کا پہلا کیس سامنے آگیا ہے۔

بین الاقوامی ذرائع ابلاغ کے مطابق وزارت صحت نے اپنے سماجی رابطے کی ویب سائٹ ٹوئٹر پر بتایا کہ اومی کرون وائرس شمالی افریقہ سے آنے والی خاتون مسافر میں پایا گیا ہے۔

رپورٹ کے مطابق خاتون مسافر کوویڈ 19 ویکسین کی دو خوراکیں لگوا چکی ہیں، تاہم ان میں ایسی کوئی علامت ظاہر نہیں ہوئی لیکن متاثرہ خاتون اور اس کے قریبی لوگوں کو قرنطینہ کر دیا گیا ہے۔

UAE detects first case of COVID-19 Omicron variant#mohap_uae #covid_19 pic.twitter.com/CFQC6kX2Qn

— وزارة الصحة ووقاية المجتمع – MOHAP UAE (@mohapuae) December 1, 2021