پاکستان رینجرز سندھ کی انٹیلی جنس معلومات کی بنیاد پر کراچی میں مشترکہ کارروائی

ویب ڈیسک

07th Dec, 2021. 12:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان رینجرز سندھ کی انٹیلی جنس معلومات کی بنیاد پر کراچی میں مشترکہ کارروائی

پاکستان رینجرز سندھ نے انٹیلی جنس معلومات کی بنیاد پر کراچی کے علاقے اورنگی ٹاؤن میں مشترکہ کارروائی کی ہے۔

تفصیلات کے مطابق پاکستان رینجرز (سندھ) اور پولیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے اورنگی ٹاؤن قصبہ کالونی سے انتہائی مطلوب ڈکیت ملزم ریحان کو گرفتار کر لیا ہے۔

ترجمان سندھ رینجرز کا کہنا ہے کہ ملزم نے اپنے دیگر ساتھیوں کے ہمراہ بینک سے رقم لے کر نکلنے والے 3 افراد کو لوٹا تھا اور پولیس کے آنے پر فائرنگ کر کے فرار ہو گئے تھے جس میں ملزم کے دو ساتھی گرفتار ہو گئے تھے۔

سندھ رینجرز کے ترجمان نے بتایا ہے کہ ملزمان کے خلاف تھانہ کورنگی انڈسٹریل ایریا میں ایف آئی آر بھی درج ہے۔

خیال رہے کہ دوران تفتیش ملزم نے 2021 میں اپنے ساتھیوں سائل عرف مالو،عامر محمد، شیر خان، ظاہر اور ارسلان کے ساتھ مل کر ڈکیتی کی متعدد وارداتوں میں ملوث ہونے کا اعتراف کیا ہے۔

واضح رہے کہ ملزم کے ایک ساتھی عامر محمد کو پہلے ہی رینجرز نے 20 ستمبر 2021 کو گرفتار کر کے پولیس کے حوالے کر دیا تھا اور اب گرفتار ملزم کو مزید قانونی کارروائی کے لیے پولیس کے حوالے کردیا گیا ہے۔