نیازی حکومت نے ملک کو بھی چندہ مانگنے والا بنادیا، احسن اقبال

ویب ڈیسک

08th Dec, 2021. 10:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیازی حکومت نے ملک کو بھی چندہ مانگنے والا بنادیا، احسن اقبال

مسلم لیگ (ن) کے رہنما احسن اقبال کا کہنا ہے کہ عمران نیازی 30 سالوں سے چندہ مانگتا آرہا ہے، اب نیازی حکومت نے ملک کو بھی چندہ مانگنے والا ملک بنا دیا ہے۔

احسن اقبال نے کہا کہ سیلیکٹڈ حکومت میں ہر پاکستانی 91 ہزار کا مقروض ہوچکا ہے۔ ملک پر نااہل حکمران مسلط ہیں، ان سے ملک واپس لینا ہوگا۔

لیگی رہنما نے کہا کہ پاکستان مسلم لیگ (ن) سندھ کے ہر حلقے سے الیکشن میں حصہ لے گی، ہم پاکستان کو ایسا بنائیں گے جہاں روزگار ہو، کسان خوشحال ہو، کسی کا پانی بند نہ ہو۔ احسن اقبال نے مزید کہا کہ ملکی ترقی کیلئے معشیت کو مضبوط کرنا ہوگا۔

دوسری جانب سابق گورنر سندھ محمد زبیر احمد نے کہا کہ نیازی حکومت نے میاں نواز شریف اور مریم نواز پر بے بنیاد کیسز بنائے، نواز شریف آج بھی ملک کے مقبول ترین لیڈر ہیں۔

سابق گورنر سندھ کا کہنا تھا کہ سیلیکٹڈ حکومت کا ٹارگٹ صرف میاں نواز کی فیملی ہے۔

محمد زُبیر کا کہنا تھا کہ مریم نواز قوم کی بیٹی ہے جو نہ کبھی جھکی ہے اور نہ ہی کبھی ڈری ہے۔ اپنے باپ کی طرح مریم نواز بھی دلیر لیڈر اور عوام کی امید ہیں۔