کوئٹہ: سرکاری اسپتالوں میں ینگ ڈاکٹرز ایسوسی ایشن کا احتجاج جاری

ویب ڈیسک

14th Dec, 2021. 10:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کوئٹہ: سرکاری اسپتالوں میں ینگ ڈاکٹرز ایسوسی ایشن کا احتجاج جاری

کوئٹہ سمیت بلوچستان بھر کے سرکاری اسپتالوں میں ینگ ڈاکٹرزایسوسی ایشن کا احتجاج جاری ہے۔

تفصیلات کے مطابق ڈاکٹرز کی جانب سے صوبے بھر کے سرکاری اسپتالوں کی او پی ڈیز اور انڈور سروسز کا بائیکاٹ جاری ہے۔

ذرائع کے مطابق سول اسپتال کوئٹہ میں اپنے گرفتار ڈاکٹرز کی رہائی کیلئے احتجاجی کیمپ بھی قائم کیا گیا ہے۔

یہ بھی پڑھیں: کوئٹہ میں ینگ ڈاکٹرز کا آج ریڈزون میں داخلے کا اعلان

او پی ڈیز اور انڈور سروسز کا بائیکاٹ 20 روز سے جاری ہے جس کے باعث مریض رل گئے ہیں، دور دراز علاقوں سے آئے مریضوں کو شدید مشکلات کا سامنا کرنا پڑ رہا ہے۔

خیال رہے کہ گزشتہ روز ینگ ڈاکٹرز کی جانب سے ریڈ زون تک ریلی اور وزیراعلیٰ ہاؤس کے گھیراؤ کی کوشش کی گئی تھی، پولیس کی بھاری نفری نے ینگ ڈاکٹرز کو ریڈ زون میں داخلے سے روک دیا تھا۔

ڈاکٹرز کی جانب سے سرکاری اسپتالوں میں سہولیات کے فقدان نجکاری سمیت دیگر مطالبات کے حق میں احتجاج کیا جارہا ہے۔

ینگ ڈاکٹرز ایسوسی ایشن کا کہنا ہے کہ جب تک مطالبات تسلیم نہیں کیے جاتے احتجاج جاری رہے گا۔

ینگ ڈاکٹرز کا مزید کہنا ہے کہ صوبائی حکومت نے سنجیدگی نہ دکھائی تو ایمرجنسی سروسز کے بائیکاٹ کا بھی اعلان کیا جائے گا۔