فواد چوہدری کا کہنا ہےکہ ن لیگ میں اب نئی قیادت سامنے آ جائے گی جو اچھی بات ہے، پیپلز پارٹی کو بھی زرداری سے آگے نکلنا چاہئے۔

وفاقی وزیر اطلاعات ونشریات فواد چوہدری نے سماجی رابطے کی ویب سائٹ پر جاری اپنے پیغام میں کہاکہ سابق وزیراعظم ‏شاہد خاقان عباسی اور مریم نواز کے ترجمان محمد زبیر کے بیانات نے ن لیگ کے اندر کی تقسیم کو مزید واضح کیا ہے، ان خاندانوں نے ملک کی تباہی نکال دی اب کارما دیکھ رہے ہیں۔

اس مہینےخیبرپختونخواہ اور اگلے چند ماہ میں پنجاب میں طاقتور مقامی حکومتوں کے انتخابات حکومت کا اعتماد ظاہر کرتے ہیں پیپلز پارٹی اور نون لیگKP میں امیدوار بھی کھڑے نہیں کر سکیں یہی حالت پنجاب میں ہوگی، صرف ایک دو ٹی وی آپ کی عملی طور پر مردہ سیاست کو زندہ رکھنے کی سعی کر رہے ہیں

— Ch Fawad Hussain (@fawadchaudhry) December 14, 2021

انہوں نے مزید کہاکہ ‏اس مہینے خیبرپختونخواہ اور اگلے چند ماہ میں پنجاب میں طاقتور مقامی حکومتوں کے انتخابات حکومت کا اعتماد ظاہر کرتے ہیں، پیپلز پارٹی اور ن لیگ  کے پی میں امیدوار بھی کھڑے نہیں کر سکیں یہی حالت پنجاب میں ہوگی۔

وفاقی وزیر فواد چوہدری نے کہاکہ صرف ایک دو ٹی وی آپ کی عملی طور پر مردہ سیاست کو زندہ رکھنے کی سعی کر رہے ہیں۔

انہوں نے اپنی ایک ٹوئٹ میں شعر لکھ کربات کا اختتام کیا۔

پانی آنکھ میں بھر کر لایا جا سکتا ہے

Advertisement

اب بھی جلتا شہر بچایا جا سکتا ہے (عباس تابش)

— Ch Fawad Hussain (@fawadchaudhry) December 14, 2021