کمشنر لاہور کیپٹن (ر) محمد عثمان نے ریونیو عدالت کے ذریعے فیصلوں کو افسران کی کارکردگی کا پیمانہ قرار دے دیا ہے۔

 کیپٹن (ر) محمد عثمان نے ریونیو اہداف پیش رفت کیلئے لاہور سمیت پوری ڈویژن کا جائزہ لیا، کمشنر لاہور نے گرداوری ڈیجیٹلائزیشن، دیہی مراکز مال، پٹوریوں کی بھرتی و کھادوں کی دستیابی کا بھی جائزہ لیا۔

کمشنر لاہور نے کہا کہ گرداوری ڈیجیلائزیشن میں ہر روز تیزی ضروری ہے 100 فیصد ہدف حاصل کرنا ہے، افسران ریونیو عدالت کو باقاعدہ کریں اور فیصلے کر کے شہریوں کو ریلیف دیں۔

انہوں نے ریونیو عدالت کے ذریعے فیصلوں کو افسران کی کارکردگی کا پیمانہ قرار دے دیا۔

اس موقع پر اسسٹنٹ کمشنر ریونیو سید منور عباس بخاری، اے ڈی سی آر الیاس تنویر چیمہ نے شرکت کی، تمام ڈی سیز و اے ڈی سی آرز نے بھی بزریعہ ویڈیو لنک شریک ہوئے۔

ان کا کہنا تھا کہ دیہی مال مراکز بڑی سہولت ہیں، گرداوری ڈیجیٹیلائزیشن سے ریونیو مسائل کا حل ہوگا، مشتری منادی کے ذریعے قبضہ میں لی گئی کھاد و اجناس کو فروخت کرائیں، کسانوں کی مدد کریں مساجد و اعلانات کے ذریعے مشتری منادی کرائیں۔

کمشنر لاہور کیپٹن (ر) محمد عثمان نے مزید کہا کہ ریونیو فیصلوں و اہداف کو یقینی بنانے کیلئے ہفتہ وار جائزہ اجلاس کرتا ہوں، ڈی سیز و اے سیز اپنے فیصلے بی او آر کے پورٹل پر بر وقت اپ لوڈ کریں۔

کمشنر لاہور کو بریفنگ دی گئی کہ لاہور میں گرداوری ڈیجیٹلائزیشن آئندہ 7 دنوں میں 100 فیصد مکمل ہو جائے گی، جس پر کیپٹن (ر) محمد عثمان کا کہنا تھا کہ ہر طرح کی ذخیرہ اندوزی پر کریک ڈاون کریں، شہریوں کو ریلیف دینا ہمارا فرض ہے۔

کمشنر لاہور کیپٹن (ر) محمد عثمان نے عوامی خدمت کچہریوں کی شکایات ازالہ شرح کا بھی آئندہ جائزہ لینے کا فیصلہ کر لیا۔