مسلم لیگ (ن) کی نائب صدر مریم نواز کی ایک اور مبینہ آڈیو کلپ زیر گردش ہے جس میں وہ بظاہر اپنی “میڈیا مینجمنٹ” کا ذکر کررہی ہیں۔

سوشل میڈیا پر ایک مختصر آڈیو کلپ میں مریم نواز مبینہ طور پر کہہ رہی ہیں، ‘دیکھیے میری میڈیا منیجمنٹ، جیو نیوز اور دنیا نیوز نے تو ان کی جئی تئی پھیر دی ہے۔’

خیال رہے کہ رواں ماہ کے اوائل میں بھی مریم نواز کی ایک  آڈیو سامنے آئی تھی جس میں وہ مخصوص ٹی وی چینلوں کو اشتہارات نہ دینے کی ہدایت کر رہی تھیں اور اس کا انہوں نے اعتراف بھی کیا تھا۔

حالیہ آڈیو لیک کے حوالے سے وزیراعظم کے ڈیجیٹل میڈیا کے فوکل پرسن ارسلان خالد نے ٹوئٹ کیا کہ ۔ مریم نواز کی آڈیوز مسلسل جیو نیوز اور دنیا نیوز کو مسلم لیگ (ن) کا لفافہ میڈیا ہونے کا الزام لگا رہی ہیں۔ دونوں چینلز کی خاموشی شکوک پیدا کر رہی ہے، ان دونوں چینلز سے منسلک صحافی بتانا پسند کریں گے کہ کیا آپ سب لوگ مریم نواز سے مینج ہوتے ہیں۔’

Advertisement

مریم نواز کی آڈیوز مسلسل جیو نیوز اور دنیا نیوز کو ن لیگ کا لفافہ میڈیا ہونے کا الزام لگا رہی ہیں۔دونوں چینلز کی خاموشی شکوک پیدا کر رہی ہے۔ ان دونوں چینلز سے منسلک صحافی بتانا پسند کریں گے کہ کیا آپ سب لوگ مریم نواز سے مینج ہوتے ہیں؟ pic.twitter.com/qMUKInY8WE

— Dr Arslan Khalid (@arslankhalid_m) December 21, 2021

وفاقی وزیر اطلاعات و نشریات فواد چوہدری نے اپنے ٹوئٹر پیغام میں کہا، ‘مریم نواز کی پے در پے آنے والی آڈیوز نے پاکستان کے میڈیا اسٹرکچر کی خامیاں سب کے سامنے آشکار کر دی ہیں۔’

انہوں نے کہا کہ ‘اگر ایسا میڈیا آزاد میڈیا ہے تو پھر غلام میڈیا کیا ہو گا؟ میڈیا کی آزادی مافیاز نے یرغمال بنا رکھی ہے۔’

Advertisement

مریم نواز کی پےدر پے آنیوالی آڈیوز نے پاکستان کے میڈیا سٹرکچر کی خامیاں سب کے سامنے آشکار کر دیں ہیں اگر ایسا میڈیا آزاد میڈیا ہے تو پھر غلام میڈیا کیا ہو گا؟ میڈیا کی آزادی مافیاز نے یرغمال بنا رکھی ہے ۔۔۔۔

— Ch Fawad Hussain (@fawadchaudhry) December 21, 2021

وزیراعظم کے معاون خصوصی برائے سیاسی امور ڈاکٹر شہباز گل نے کہا کہ ‘مریم نواز کی نئی آڈیو ٹیپ کے بعد جیو اور دنیا ٹی وی کو اپنی پوزیشن واضح کرنی چاہیے, مریم بار بار ان کی جانبداری کا دعویٰ فرما رہی ہیں، مریم کے ترجمان ان کی آڈیو کو حقیقت مان چکے ہیں، اس کے بعد ان اداروں کو اپنی پوزیشن واضح کرنی ہو گی، اگر یہ جھوٹ ہے تو مریم سے معافی کا تقاضا کریں۔’

مریم کی نئی آڈیو ٹیپ کے بعد جیو اور دنیا ٹی وی کو اپنی پوزیشن واضح کرنی چاہئیے۔ مریم بار بار ان کی جانبداری کا دعوہ فرما رہی ہیں۔ مریم کے ترجمان ان کی آڈیو کو حقیقت مان چکے ہیں۔ اس کے بعد ان اداروں کو اپنی پوزیشن واضح کرنی ہو گی۔اگر یہ جھوٹ ہے تو مریم سے معافی کا تقاضہ کریں

Advertisement

— Dr. Shahbaz GiLL (@SHABAZGIL) December 21, 2021