مریم نواز شریف نے کہا ہے کہ آئندہ انتخابات میں مسلم لیگ(ن) ملک بھر میں کامیابی حاصل کرے گی۔

نائب صدر مسلم لیگ (ن) مریم نوازشریف اور ضمنی الیکشن PP206 خانیوال میں کامیاب ہونے والے مسلم لیگ(ن) کے اُمیدوار رانا محمد سلیم کا ٹیلفونک رابطہ ہوا جس میں مریم نوازشریف نے رانا سلیم کو الیکشن میں  شاندار کامیابی پر مبارکباد دی۔

ٹیلفونک رابطے کے دوران رانا سلیم نے پارٹی کی طرف سے بھر پور سپورٹ پر شکریہ ادا کیا جبکہ رانا محمد سلیم نے مریم نواز شریف کو خانیوال آنے کی دعوت دی۔

رانا سلیم نے کہا کہ خانیوال کی عوام نے ایک مرتبہ پھر نوازشریف صاحب کی قیادت پر بھرپور اعتماد کا اظہار کرکے مسلم لیگ ن کو واضح برتری سے کامیاب کروایا۔

مسلم لیگ(ن) کے اُمیدوار رانا محمد سلیم کا مزید کہنا تھا کہ الیکشن سے پہلے خانیوال کے عوام کی بھرپور خواہش تھی کہ آپ خانیوال جلسہ کیلیے تشریف لائیں جنید صفدر کی شادی کے باعث آپ تشریف نہ لاسکیں، خانیوال کے عوام اب دوبارہ اسی خواہش کا اظہار کررہے ہیں کہ آپ خانیوال جلسہ کیلیے تشریف لائیں۔

اس موقع پر نائب صدر مسلم لیگ (ن) مریم نوازشریف نے کہا کہ انشاءاللہ آئندہ انتخابات میں بھی مسلم لیگ(ن) ملک بھر میں کامیابی حاصل کرے گی۔