ینگ ڈاکٹرز کا احتجاج، صوبے بھر کے تمام سرکاری اسپتالوں کی او پی ڈیز سروسز بند

ویب ڈیسک

07th Dec, 2021. 10:54 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ینگ ڈاکٹرز کا احتجاج، صوبے بھر کے تمام سرکاری اسپتالوں کی او پی ڈیز سروسز بند

کوئٹہ میں ینگ ڈاکٹرز ایسوسی ایشن کے احتجاج کا سلسلہ نویں روز بھی جاری ہے۔

تفصیلات کے مطابق بلوچستان حکومت اب تک ینگ ڈاکٹرز کی ہڑتال ختم کروانے میں بے بس دکھائی دیتی ہے اور کوئٹہ میں نویں روز بھی صوبے بھر کے تمام سرکاری اسپتالوں کی او پی ڈیز اور آپریشن سروسز بند ہیں۔

ینگ ڈاکٹرز کا کہنا ہے کہ اسپتالوں میں سہولیات کی فراہمی اور گرفتار ڈاکٹروں کی رہائی تک احتجاج کا سلسلہ جاری رہے گا۔

ڈاکٹروں کے احتجاج کے باعث اسپتال آنے والے مریضوں کو مشکلات کا سامنا کرنا پڑرہا ہے اور کورونا کی صورتحال جو ملک بھرمیں حکومتی وعوامی کوشش سے قابو پایا گیا ہے، خدشہ ہے کہ ویکسین کے بائیکاٹ سے کورونا کی شرح میں بلوچستان بھر میں پھر اضافہ ہوسکتا ہے اورعوام کے جانی نقصان کا بھی باعث بن سکتا ہے۔

واضح رہے کہ اس سے قبل ینگ ڈاکٹرز نے اعلان کیا تھا کہ اسپتالوں میں سہولیات کی فراہمی اور گرفتار ڈاکٹروں کی رہائی تک احتجاج کا سلسلہ جاری رہے گا۔ عدالت کے حکم کے باجود پیرامیڈیکل اسٹاف اور ینگ ڈاکٹر کا احتجاج اب تک جاری ہے۔

اس حوالے سے صوبائی وزیرمواصلات سردارعبدالرحمن کھیتران نے کہا کہ ڈاکٹرز مسیحا ہیں، او پی ڈی بند کرنا غلط ہے اور ڈاکٹر کی ہڑتال ایسے معاملات پر ہے جن کا اختیار یا دائرہ کار سے تجاوز کرتے ہیں۔