حماد اظہر نے کہا ہے کہ پٹرولیم ڈویژن نے ملک میں 14نئے آئل گیس کی دریافت کرنے کے بلاکس کی مسابقتی بولی کااعلان کردیا ہے۔

سماجی رابطے کی ویب سائٹ ٹویٹر پر اپنے ایک پیغام میں وفاقی وزیر توانائی حماد اظہر نے کہا کہ پٹرولیم ڈویژن نے ملک میں 2400مربع کلومیٹر پر محیط 14نئے آئل گیس کی دریافت کرنے کے بلاکس کی مسابقتی بولی کااعلان کردیا ہے،15ٹی سی ایف گیس اور 180ایم بی آئل کے ذخائر متوقع ہیں۔

پٹرولیم ڈویژن نے ملک میں 2400مربع کلومیٹر پر محیط 14نئے آئل/گیس کی دریافت کرنے کے بلاکس کی مسابقتی بولی کا اعلان کردیا ہے جس سے 15ٹی سی ایف گیس اور 180ایم بی آئل کے ذخائر متوقع ہیں۔ ان کی بدولت 100ملین ڈالر کی انوسٹمنٹ اور 1.2ملین ڈالر کے سماجی بہبود کی سکیمیں بھی دستیاب ہو نگی

— Hammad Azhar (@Hammad_Azhar) December 31, 2021

انہوں نے کہا کہ 100ملین ڈالرکی انویسٹمنٹ اور 1.2ملین ڈالر کی سماجی بہبود کی اسکیمیں بھی دستیاب ہوں گی۔

وفاقی وزیر توانائی حماد اظہر کا مزید کہنا تھا کہ وفاقی کابینہ کے فرٹیلائزر سیکٹر کیلیے گیس کی فراہمی کو فوقیت میں ترامیم کے بعد 2لاکھ ٹن اضافی یوریا نومبر اور دسمبر کے مہینوں میں بنائی جا چکی ہے جس سے 200ملین ڈالر کی درآمدات کے مد میں زرمبادلہ کی بچت ہو چکی ہے تمام یوریا کے پلانٹس اب بھی چل رہے ہیں۔

وفاقی کابینہ کے فرٹیلائزر سیکٹر کیلیے گیس کی فراہمی کو فوقیت میں ترامیم کے بعد 2لاکھ ٹن اضافی یوریا نومبر اور دسمبر کے مہینوں میں بنائی جا چکی ہے۔ جس سے 200ملین ڈالر کی درآمدات کے مد میں زرمبادلہ کی بچت ہو چکی ہے تمام یوریا کے پلانٹس اب بھی چل رہے ہیں۔

— Hammad Azhar (@Hammad_Azhar) December 31, 2021