آئی جی پنجاب نے صوبہ بھر میں پتنگ فروشوں کے خلاف کریک ڈاؤن کا حکم دے دیا

ویب ڈیسک

10th Dec, 2021. 02:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی جی پنجاب نے صوبہ بھر میں پتنگ فروشوں کے خلاف کریک ڈاؤن کا حکم دے دیا

آئی جی پنجاب راؤ سردار علی خان نے صوبہ بھر میں پتنگ فروشوں، پتنگ سازوں اور پتنگ بازی کرنے والے افراد کے خلاف کریک ڈاؤن مزید تیز کرنے کا حکم دے دیا ہے۔

آئی جی پنجاب راؤ سردار علی خان نے کہا کہ لاہور، شیخوپورہ، راولپنڈی، ملتان، فیصل آباد اور گوجرانوالہ سمیت بڑے شہروں میں پتنگ اور دھاتی ڈور کی خریدو فروخت میں ملوث افراد کے خلاف خصوصی آپریشن کیا جائے۔

انہوں نے کہا کہ پولیس افسران خصوصی ٹیمیں تشکیل دیں اور رات کے وقت چھاپے مارے جائیں ، تفریح کے نام پر شہریوں کی جانیں خطرے میں ڈالنے والے ملزمان کسی رعائیت کے مستحق نہیں۔

راؤ سردار علی خان نے کہا کہ اگر کسی علاقے میں پتنگ بازی کی وجہ سے کوئی شہری زخمی یا جاں بحق ہوا متعلقہ آفسر کے خلاف سخت ایکشن لیا جائے گا ، کائٹ فلائنگ ایکٹ پر عمل در آمد کو سختی سے یقینی بنایا جائے ، اس خونی کھیل سے بچاؤ کے لیے مساجد میں اعلان کروا کر عوام کو آگاہی فراہم کی جائے۔

آئی جی پنجاب راؤ سردار علی خان نے کہا کہ شہرمیں کسی بھی جگہ اگر کوئی پتنگ بازی کرتا نظرآئے تو آپ 15 پر کال کرکے پولیس کو اطلاع دیں۔