گورنر بلوچستان سید ظہور احمد آغا نے کہا ہے کہ گوادر یونیورسٹی کو ایک بہترین تعلیمی ادارہ بنائیں گے۔

گورنر بلوچستان نے گوادر یونیورسٹی کا پہلا اکیڈمک سیشن کا افتتاح کیا، گورنر نے یونیورسٹی کے لوگو کا بھی افتتاح کردیا، وائس چانسلر ڈاکٹر عبد الرزاق صابر نے گورنر کو  گوادر یونیورسٹی کے متعلق بریفنگ دی۔

بریفنگ میں بتایا گیا کہ یونیورسٹی کیلئے 500 ایکڑ زمین مختص ہے، یونیورسٹی کی بلڈنگ کیلیئے 5331 ملین روپے کا پی سی ون ایچ ای سی کو بیجھا ہے۔

گورنر بلوچستان سید ظہور احمد آغا نے یونیورسٹی میں تقریب سے خطاب کرتے ہوئے کہا کہ گوادر یونیورسٹی کو ایک بہترین تعلیمی ادارہ بنائیں گے، یونیورسٹی میں 30 ڈپارٹمنٹس تعمیر ہوں گے۔

ان کا کہنا تھا کہ میرین سائنس سمیت تمام سبجیکٹس کا اجراہ کیا جائے گا، ساحلی اور پورٹ سٹی ہونے کی وجہ سے گوادر یونیورسٹی میں میرین سائنس سے متعلق سبجیکٹس لازمی ہیں، اعلیٰ تعلیمی ادارہ آپ کے شہر میں قائم ہو چکا ہے اسٹوڈنٹس کو تعلیم کی طرف توجہ دینی چاہیئے۔

   گورنر بلوچستان سید ظہور احمد آغا نے مزید کہا کہ تعلیم یافتہ پاکستان وزیر اعظم عمران خان کا ویژن ہے،ناراض بلوچ قومی دارے میں شامل ہوکر ملک کی ترقی میں حصہ ڈالیں، تعلیم یافتہ معاشرے کے قیام سے محرومیوں  کا خاتمہ ہوگا۔

گورنر نے یونیورسٹی میں پودا بھی لگایا۔

تقریب میں وی سی گوادر یونیورسٹی،چیئرمین گوادر پورٹ موجود تھے۔

اس موقع پر ڈی آئی جی مکران، ڈپٹی کمشنر، یونیورسٹی کے طلباء اور طالبات میں موجود تھے۔

 تقریب میں ڈی جی، جی جی ڈی اے ، سابق نگران وزیر میر نوید کلمتی، چمبر آف کامرس کے ارکان اور پی ٹی آئی کے علاقائی رہنماؤں نے بھی شرکت کی جبکہ یونیورسٹی کے اسٹوڈنٹس اور اساتذہ بھی شریک ہوئے۔