لاہورمیں محکمہ انسانی حقوق نے کرسچن کئیر فائونڈیشن کے اشتراک سے ایوان وزیراعلیٰ میں کرسمس کی تقریب کا انعقاد کیا۔
گورنرپنجاب چوہدری محمد سرور تقریب کے مہمان خصوصی تھے جبکہ صوبائی وزیر انسانی حقوق اعجازعالم آگسٹین کے علاوہ ممبران پنجاب اسمبلی اور مذہبی و سیاسی شخصیات نے بھی شرکت کی۔
تقریب کے لئے ایوان وزیراعلیٰ کو برقی قمقموں اور کرسمس ٹری سے خوبصورتی کے ساتھ سجایا گیا تھا ۔
تقریب میں سینٹ پیٹرسن ہائی اسکول کے بچوں نے ٹیبلو اور گیت پیش کئے اور خوبصورت پرفارمنس پرخوب داد وصول کی ۔
صوبائی وزیر انسانی حقوق اعجازعالم کا کہنا تھا کہ سرکاری و نجی اداروں میں کرسمس کی تقریبات ایک خوش آئند اقدام ہے، مذہبی اقلیتوں کے تمام تر تہوار سرکاری سطح پر منائے جارہے ہیں ۔
Advertisement
ان کا کہنا تھا کہ بین المذاہب ہم آہنگی کی بہترین مثال قائم ہورہی ہے ، ہر مذہب میں امن و محبت کا درس موجود ہے۔
اس موقع پر گورنر پنجاب چوہدری محمد سرور نے مسیحی برادری کےساتھ مل کر کرسمس کا کیک بھی کاٹا ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
