شہر قائد میں اسٹریٹ کرائم کی وارداتوں میں اضافہ

ویب ڈیسک

08th Dec, 2021. 12:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہر قائد میں اسٹریٹ کرائم کی وارداتوں میں اضافہ

شہر قائد میں اسٹریٹ کرائم کی وارداتوں میں اضافہ ہونے لگا ہے۔

تفصیلات کے مطابق کراچی کے علاقے فیڈرل بی ایریا میں اسٹریٹ کرائم کی واردات کا واقعہ پیش آیا، جس کی سی سی ٹی وی فوٹیج منظر عام پر آگئی ہے۔

سی سی ٹی وی فوٹیج میں دیکھا جاسکتا ہے کہ ملزمان شہری سے اسلحہ کے زور پر موبائل فون اور والٹ چھین کر باآسانی فرار ہوگئے۔

خیال رہے کہ ملزمان کے چہرے ویڈیو میں دیکھے جاسکتے ہیں۔

ویڈیو میں دیکھا جاسکتا ہے کہ ملزمان نے 20 سیکنڈ میں شہری سے واردات کی اور علاقہ پولیس اسٹریٹ کرائم روکنے میں ناکام ہوگئی۔

دوسری جانب کراچی کے پی ای سی ایچ ایس بلاک 2 میں ڈکیتی کی واردات کا واقعہ پیش آیا جس کی سی سی ٹی وی ویڈیو بول نیوز نے حاصل کرلی ہے۔

سی سی ٹی وی ویڈیو میں دیکھا جاسکتا ہے کہ موٹر سائیکل سوار 2 ملزمان گلی میں کھڑے شہری کے قریب آئے اور اسلحے کے زور پر دو افراد سے لوٹ مار کی۔

واضح رہے کہ ملزمان میں سے ایک نے ہیلمیٹ اور دوسرے نے ماسک سے چہرا چھپایا یوا تھا، پہلی تاریخ کو ہونے والی واردات کو سات دن گزرنے کے باوجود ملزمان کی نشاندہی نہیں ہو سکی ہے اور ملزمان کو پولیس گرفتار کرنے میں بدستور ناکام ہوگئی ہے۔