رانا شمیم کا نام ای سی ایل میں شامل کرنے کے لیے کارروائی شروع

ویب ڈیسک

07th Dec, 2021. 03:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رانا شمیم کا نام ای سی ایل میں شامل کرنے کے لیے کارروائی شروع

سابق چیف جج گلگت بلتستان رانا شمیم کا نام ایگزٹ کنٹرول لسٹ میں ڈالنے کے لئے ضابطے کی کارروائی کا آغاز کردیا گیا ہے۔

بول نیوز کے مطابق ایڈووکیٹ جنرل اسلام آباد نے رانا شمیم کا نام ای سی ایل میں ڈالنے کے لئے چیف کمشنر اسلام آباد کو خط لکھ دیا ہے۔

خط میں کہا گیا ہے کہ رانا شمیم کے خلاف اسلام آباد ہائیکورٹ میں توہین عدالت کی کارروائی زیرسماعت ہے، عدالت عالیہ رانا شمیم کو شوکاز نوٹس بھی جاری کر چکی ہے، اگر رانا شمیم بیرون ملک روانہ ہوجاتا ہے تو عدلیہ کی آزادی پر سنجیدہ سوال اٹھیں گے، رانا شمیم کا نام جلد از جلد ای سی ایل پر ڈالا جائے۔

دوسری جانب اسلام آباد ہائی کورٹ نے رانا شمیم کے بیان حلفی کی خبر پر توہین عدالت کیس کی سماعت کے دوران رانا شمیم کو بیرون ملک جانے کی اجازت دینے کی استدعا مسترد کرتے ہوئے انہیں پیر تک اصلی بیان حلفی جمع کرانے کا حکم دے دیا ہے۔

عدالت عالیہ نے حکم دیا ہے کہ رانا شمیم اصل بیان حلفی جمع کرائیں ورنہ ان کے خلاف توہین عدالت کیس میں فرد جرم عائد کردی جائے گی۔

واضح رہے کہ اسلام آباد ہائی کورٹ رانا شمیم کا نام ای سی ایل پر ڈالنے کے لیے دائر درخواست مسترد بھی کرچکی ہے۔