آئی جی اسلام آباد احسن یونس کے احکامات پر پولیس ہیڈکوارٹر میں وی آئی پی کاؤنٹر ختم کردیا گیا ہے۔
پولیس ہیڈکوارٹر کے دورے کے دوران محمد احسن یونس نے کہا کہ ہر شہری ہمارے لئے وی آئی پی ہے، امراء و سفارشیوں کے لئے اب کوئی علیحدہ کاؤنٹر نہیں ہو گا۔
آئی جی اسلام آباد کا کہنا تھا کہ اب تمام لوگ ایک ہی نظام کے ذریعے لائسنس حاصل کر سکیں گے، خواتین و بزرگ شہریوں کو سسٹم کے تحت ترجیح دی جائے گی۔
اُنہوں نے ہدایات کی کہ ڈرائیونگ لائسنس کے حصول میں شفافیت کو یقینی بنایا جائے، ایس ایس پی ٹریفک لائسنس کے حصول کے لئے سیکھنے کے وقت کی معیاد پوری کریں۔
آئی جی اسلام آباد نے کہا کہ شہری 42 دن کا دورانیہ پورا کرنے کے بعد ہی ڈرائیونگ لائسنس امتحان کے لئے اہل ہوں گے۔
Advertisement
احسن یونس کا کہنا تھا کہ ون ونڈو ہال میں شہری قطار کا نظام اپنا کر اپنی باری کا انتظار کریں گے، بغیر کاغذات، غیرممنوعہ نمبر پلیٹس اور کالے شیشے والوں کے خلاف بلا تفریق کارروائی عمل میں لائی جائے گی۔
انہوں نے مزید کہا کہ ٹریفک کی روانی بحال رکھنے کے لئے تمام ترضروری اقدامات کئے جائیں اور شہریوں کو زیادہ سے زیادہ سہولیات فراہم کی جائیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
