جرمن خاندان نے گھر میں 420 کرسمس ٹریز لگاکر عالمی ریکارڈ اپنے نام کرلیا۔

دنیا بھر میں مسیحی برادری حضرت عیسیٰ علیہ السلام کی ولادت کی مناسبت سے ہر سال 25 دسمبر کو کرسمس کا تہوار مناتی ہے، رواں سال بھی اس حوالے سے مختلف ملکوں میں انفرادی اور اجتماعی طریقوں سے کرسمس کی تیاری عروج پر ہے۔

کرسمس کی تیاریوں کے حوالے سے جرمنی کا ایک خاندان بہت منفرد مقام رکھا ہے، یہ خاندان کئی برسوں سے اپنے گھر کو کرسمس ٹریز سے سجانے پر عالمی ریکارڈ بناتا آیا ہے، اس مرتبہ بھی اس خااندان نے ایک گھر میں سب سے زیادہ کرسمس ٹریز سجانے کا عالمی ریکارڈ بناڈالا ہے۔

جیرومن خاندان نے ہی 2 سال پہلے گھر میں سب سے زیادہ کرسمس ٹریز کی سجاوٹ کا عالمی ریکارڈ بنایا تھا اور انہوں نے ہی اسے توڑا ہے۔

متعلقہ خبر: لندن میوزیم کے مشہور ڈائنوسارکو کرسمس سویٹر پہنادیا گیا

جرمنی کے شہر رنٹلن ووکسن کے رہائشی تھامس اور سوزانے جیرومن کا کہنا ہے کہ ہماری چار دیواری کے علاوہ دنیا میں کوئی ایسا گھر نہیں جہاں اتنی بڑی تعداد میں کرسمس ٹری سجائے گئے ہوں۔

جیرومن خاندان اتنی بڑی تعداد میں کرسمس ٹریز سجانے کے لیے ستمبر سے ہی تیاریاں شروع کردیتا ہے اور ہر درخت کو الگ اور منفرد انداز سے سجایا جاتا ہے۔

متعلقہ خبر: کرسمس کی مناسبت سے جسٹن بیبر گا گیت

کرسمس کی مناسبت سے سجایا جانے والا یہ گھر اور خاندان پورے ملک میں مشہور ہوگیا ہے، جرمنی بھر سے لوگ کرسمس کی چھٹیوں میں اس گھر کو دیکھنے آتے ہیں۔