چین میں ہائی وے پر پل گرنے سے 4 افراد ہلاک اور 8 زخمی ہوگئے۔ 

غیر ملکی خبررساں ادارے کے مطابق چین کے صوبے ہوبئی میں ہانگشی کے مقام پر ایکسپریس وے پر تعمیر کردہ پل تقریباً 4 بجے کے قریب ایک سائیڈ سے ٹوٹ کر روڈ پر گرگیا جس کے نتیجے میں 4 لوگ ہلاک اور 8 زخمی ہوگئے جنہیں فوری طور پر اسپتال منتقل کردیا گیا جہاں انہیں طبی امداد دی جارہی ہے۔

چین کے حکام کے مطابق ہائی وے پر تعمیر کردہ پل 1640 فٹ یعنی 500 میٹر کی بلندی سے ٹوٹ کر نیچے گرا تاہم اب تک پل گرنے کی وجہ معلوم نہیں ہوسکی جب کہ حادثے کے وقت وہاں تعمیراتی کام بھی جاری تھا جس کے نتیجے میں کچھ مزدوروں کی ہلاکت کی بھی اطلاع ہے۔

A section of a bridge belonging to an expressway in Huangshi, C.China’s Hubei Province collapsed at around 4pm Sat. The exact number of casualties and cause of the accident remain unknown. The Hubei provincial transport authority has confirmed the incident: CCTV pic.twitter.com/nL1ytOFykR

Advertisement

— Global Times (@globaltimesnews) December 18, 2021

صوبائی ٹرانسپورٹ حکام کا کہنا ہے کہ حادثے کے وقت پل کے اوپر 3 ٹریک اور ایک موٹر کار موجود تھی جو پل کے ساتھ نیچے آگرے اور کار تقریباً تباہ ہوچکی ہے جب کہ حادثے کے بعد ایکسپریس وے کو ٹریفک کے لیے مکمل طور پر بند کردیا گیا ہے۔

دوسری جانب ریسکیو حکام کی جانب سے امدادی سرگرمیوں کا سلسلہ جاری ہے اور وہ ہرممکن کوشش کررہے ہیں کہ ایکسپریس وے کو جلد سے جلد ٹریفک کے لیے کھول دیا جائے ۔

رپورٹس کے مطابق ابتدائی تحقیقات میں یہ بات سامنے آئی ہے کہ پل پر گزرنے والے ٹرک کا وزن بہت زیادہ تھا جسے وہاں سے گزرنے کی اجازت نہیں تھی جب کہ 198 ٹن وزنی ٹرک پل گرنے سے دو ٹکرے ہوگیا۔

واضح رہے یہ پل 11 سال پہلے ہی تعمیر کیا گیا تھا، حادثے کے بعد ٹرانسپورٹ حکام بھی جائے وقوع پر پہنچ چکے ہیں اور اپنے طور پر حادثے کی تحقیقات کررہے ہیں۔