پی ٹی آئی کا سندھ میں متنازع بلدیاتی قانون کے خلاف احتجاجی تحریک چلانے کا فیصلہ

ویب ڈیسک

06th Dec, 2021. 06:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پی ٹی آئی کا سندھ میں متنازع بلدیاتی قانون کے خلاف احتجاجی تحریک چلانے کا فیصلہ
پاکستان کا دوٹوک مؤقف اور ذبیح اللہ مجاہد کا گمراہ کن بیان، استنبول مذاکرات کی اصل حقیقت
آرمی چیف کو 'چیف آف ڈیفنس فورسز' کا عہدہ دینے کی تجویز؛ 27ویں آئینی ترمیم کا مسودہ سامنے آگیا
ای چالان سسٹم کا نفاذ؛ ٹریفک اہلکاروں کے ضلعی پولیس میں تبادلوں پر پابندی عائد

Now Reading:

پی ٹی آئی کا سندھ میں متنازع بلدیاتی قانون کے خلاف احتجاجی تحریک چلانے کا فیصلہ

پاکستان تحریک انصاف نے سندھ حکومت کے متنازع بلدیاتی قانون کے خلاف احتجاجی تحریک چلانے کا فیصلہ کر لیا۔

متنازع بلدیاتی قانون کے خلاف پی ٹی آئی کے تحت سندھ بھر کے پریس کلبز کے باہر احتجاج کیے جائیں گے، ساتھ ہی کل تین اضلاع میں احتجاج ریکارڈ کروائے جائیں گے۔

پی ٹی آئی کے تحت کل ٹھٹھہ، کوٹڑی، حیدرآباد میں ریلیاں نکالی جائیں گی اور احتجاج کیا جائے گا۔

سندھ اسمبلی میں قائد حزبِ اختلاف حلیم عادل شیخ احتجاجی ریلیوں اور مظاہروں کی قیادت کریں گے۔

اپوزیشن لیڈر سندھ اسمبلی حلیم عادل شیخ کا کہنا ہے کہ پیپلزپارٹی کے غیر جمہوری رویے کو عوام کے سامنے لانا ضروری ہے۔

حلیم عادل شیخ نے کہا کہ پیپلز پارٹی کے منظورِ نظر غلاموں کے علاوہ پوری سندھ اس کالے قانون کو مسترد کررہی ہے۔

انہوں نے کہا کہ سندھ کے ہر شہر میں پریس کلب کے باہر احتجاج کیے جائیں گے، آخری احتجاج وزیراعلیٰ ہاؤس سندھ کے باہر ہوگا۔

حلیم عادل شیخ نے مزید کہا کہ سندھ کی عوام پیپلز پارٹی کی سندھ دشمنی کے خلاف احتجاجوں میں بھرپور شرکت کرے۔

خیال رہے کہ سندھ حکومت کی جانب سے پیش کئے گئے متنازع بلدیاتی قانون کے خلاف ایم کیو ایم پاکستان نے بھی رابطے تیز کر رکھے ہیں، گزشتہ روز ایم کیو ایم نے مسلم لیگ فنکشنل اور اس سے قبل مسلم لیگ (ن) سے بھی رابطہ کیا تھا۔

ایم کیو ایم نے اس ضمن میں آل پارٹیز کانفرنس بھی طلب کی ہے۔