پاکستان کاٹن جنرز ایسوسی ایشن کی جانب سے کپاس کے پیداواری اعداد وشمار جاری

ویب ڈیسک

05th Dec, 2021. 05:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کاٹن جنرز ایسوسی ایشن کی جانب سے کپاس کے پیداواری اعداد وشمار جاری

پاکستان کاٹن جنرز ایسوسی ایشن(پی سی جی اے)کی جانب سے کپاس کے پیداواری اعداد وشمار جاری کر دیے گئے ہیں۔ تفصیلات کے مطابق گزشتہ سیزن کے مقابلے رواں سیزن میں اب تک کپاس کی پیداوار میں 54.22فیصد اضافہ ریکارڈ کیا گیا ہے۔

رواں برس یکم دسمبر تک 71لاکھ 68 ہزار 118 گانٹھ کپاس فیکٹریوں میں آئیں جبکہ گزشتہ سال اسی مدت میں 46 لاکھ 48ہزار 118 گانٹھ کپاس فیکٹریوں میں آئی تھیں۔

فیکٹریوں میں 25 لاکھ 20ہزار 26 گانٹھ زائد کپاس آئی،صوبہ پنجاب میں 36 لاکھ 79 ہزار 16 کپاس فیکٹریوں میں آئی،گزشتہ سال 26 لاکھ 34 ہزار 487 گانٹھ کپاس فیکٹریوں میں آئی تھی ۔

رواں کاٹن سیزن میں 10 لاکھ 44 ہزار 529 گانٹھ زائد کپاس فیکٹریوں میں آئی،صوبہ پنجاب میں پیداوار میں اضافے کی شرح 39.65 فیصد رہی۔

صوبہ سندھ میں رواں سیزن میں 34 لاکھ نواسی ہزار 102گانٹھ کپاس فیکٹریوں میں آئی،گزشتہ سیزن میں سندھ کی جننگ فیکٹریوں میں 20 لاکھ 13 ہزار605 گانٹھ کپاس آئی تھی ۔

صوبہ سندھ میں اضافے کی شرح 73.28 فیصد رہی ۔

کپاس کی پیداوار میں گزشتہ تین سال کے مقابلے میں زائد کپاس کی پیداوار سے کاشتکاروں جنزز اور ٹیکسٹائل انڈسری میں خوشی کی لہر دوڑ گئی ہے۔