ہر انسان کی یہی خواہش ہوتی ہے کہ اس کی یاداشت بہتر ہو وہ جو بھی پڑھے اور سنے اسے یاد رہے لیکن اکثر ایسا نہیں ہوتا، ایسے تمام افراد جو اپنی یاداشت کو بہتر بنانا چاہتے ہیں اس ایک آسان طریقے کو اپنا کر اسے ممکن بنا سکتے ہیں۔

امریکا میں ہونے والی ایک تحقیق کے شواہد یہ بتاتے ہیں کہ یاداشت بہتر بنانے کے لئے گہری سانسیں لینا اپنا معمول بنالیں اس طرح آپ کی یاداشت ہر گزرتے دن کے ساتھ بہتر ہوتی جائے گی۔

نارتھ ویسٹرن یونیورسٹی کے زیر انتظام کی جانے والی اس تحقیق میں یہ بتایا گیا ہے کہ گہری سانس لینا جسم پر حیرت انگیز اثرات مرتب کرتا ہے صرف ایک دفعہ ہی ناک کے ذریعے گہری سانس  لینے سے دماغ توانا اور یاداشت بہتر ہونے لگتی ہے۔

تحقیق کرنے والے شرکاء کا کہنا ہے کہ سانس لینے کے دوران دماغ کے مختلف حصوں جن میں ایمی گدالا اور ہیپوکمپس پر مختلف جادوئی اثرات مرتب ہوتے ہیں، سانس لینے پر دماغی حصوں کے عصبی خلیے متحرک ہو جاتے ہیں۔

تحقیق کے دوران رضاکاروں پر کیے گئے تجربات سے یہ بات سامنے آئی ہے کہ جو لوگ گہری سانس لینے کو عادت بناتے ہیں تو ان کے لئے چیزوں کو یاد رکھنا قدرے آسان ہوجاتا ہے۔

محقیقن کا اس ضمن میں مزید کہناتھا کہ یہ عادت یاداشت کو بہتر بنانے میں اہم کردار ادا کرتی ہے۔ تاہم بہت تیز رفتاری سے سانس لینا ذہن پر منفی اثرات مرتب کرتا ہے اور جسم پرسکون نہیں رہتا۔