مریم اورنگزیب کا کہنا ہےکہ عمران صاحب آپ نے بھی مان لیا کہ آپ سمیت سیلیکٹرز کی سیلیکشن اچھی نہیں تھی۔

مسلم لیگ ن کی مرکزی ترجمان مریم اورنگزیب نے سوشل میڈیا پر جاری اپنی ٹوئٹ میں کہاکہ جب ووٹ اور اُمیدوار چوری کے ہوں، نعرے  وعدے جھوٹے ہوں، لوٹ مار کا بازار گرم ہو،  کارکردگی صفر ہو ، عوام بے روزگاری ہوں ،مہنگائی اور غربت ہو، تو یہ ہی حال ہوتا ہے جو خیبرپختونخوا میں عمران مافیا کا ہوا۔

عمران صاحب آپ نےبھی مان لیا کہ آپ سمیت سیلیکٹرز کی سیلیکشن اچھی نہیں تھی۔جب ووٹ اور اُمیدوار چوری کے ہوں نعرے،وعدے جھوٹ ،لوٹ مار کا بازار گرم کارکردگی صفر ہو عوام بے روزگاری،مہنگائی اور غربت کا شکار ہو تو یہ ہی حال ہوتا ہے جو خیبرپختونخوا میں عمران مافیا کا ہوا https://t.co/v7Y7iddzHC

— Marriyum Aurangzeb (@Marriyum_A) December 21, 2021

ترجمان مسلم لیگ  نے کہاکہ اب ہر الیکشن کا نتیجہ آپ کو آپ کے جانے کی خبر دے گا، معاملہ آپ کے امیدواروں کے سیلیکشن کا نہیں ۔

مریم اورنگزیب نے مزید کہاکہ عمران صاحب کنوئیں کا گندا پانی چند ڈول نکالنے سے پاک نہیں ہو جاتا۔

واضح رہےکہ وزیراعظم کا کہنا ہےکہ غلط امیدواروں کا انتخاب بلدیاتی الیکشن میں شکست کی وجہ بنا۔

وزیراعظم عمران خان نے سماجی رابطے کی ویب سائٹ ٹوئٹر پر جاری اپنی ٹوئٹ میں شکست تسلیم کرتے ہوئے کہاکہ پی ٹی آئی نے کے پی کے بلدیاتی انتخابات کے پہلے مرحلے میں غلطیاں کیں اور قیمت چکا دی۔

PTI made mistakes in 1st phase of KP LG elections & paid the price. Wrong candidate selection was a major cause. From now on I will personally be overseeing PTI’s LG election strategy in 2nd phase of KP LG elections & LG elections across Pak. InshaAllah PTI will come out stronger

— Imran Khan (@ImranKhanPTI) December 21, 2021

انہوں نے کہاکہ غلط امیدواروں کا انتخاب ایک بڑا سبب تھا، اب سے میں خود ذاتی طور پر پی ٹی آئی اور پورے پاکستان میں ایل جی الیکشن کی حکمت عملی کی نگرانی کروں گا۔

یہ بھی پڑھیں: پی ٹی آئی نے کے پی کے بلدیاتی انتخابات میں شکست تسلیم کرلی

وزیراعظم عمران خان نے ٹوئٹ کے اختتام پر پرامید انداز میں کہاکہ انشاء اللہ پی ٹی آئی مضبوط ہو کر سامنے آئے گی۔