ویسٹ انڈیز دورہ پاکستان،سیکیورٹی پلان تیار کر لیا گیا

ویب ڈیسک

01st Dec, 2021. 08:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویسٹ انڈیز دورہ پاکستان،سیکیورٹی پلان تیار کر لیا گیا

ویسٹ انڈیز کرکٹ ٹیم کے دورۂ پاکستان کے حوالے سےسیکیورٹی پلان تیار کرلیا گیا ہے۔

تفصیلات کے مطابق سیکیورٹی پلان ایس ایس یو ہیڈ کوارٹرز میں ہوئے اجلاس میں تیار کیا گیا،اجلاس کی صدارت ڈی آئی جی سیکیورٹی اینڈ ایمرجنسی سروسز ڈویژن مقصود احمد نے کی، اجلاس میں رینجرز، پولیس اور قانون نافذ کرنے والے اداروں کے سینئر افسران نے شرکت کی۔

ڈی آئی جی مقصود احمد کا کہنا تھا کہ میچز کے دوران 800 ایس ایس یو کمانڈوز سمیت 1500 سے زائد اہلکار ڈیوٹی دینگے جبکہ ماہر نشانہ باز بھی حساس مقامات پر تعینات کیے جائیں گے۔

مقصود احمد نے کہا ہے کہ اسپیشلائزڈ کمانڈ اینڈ کنٹرول بس اسٹیڈیم کے اطراف نگرانی کے لیے نیشنل اسٹیڈیم پر ہوگی۔

ڈی آئی جی مقصود احمد کا مزید کہنا تھا کہ تماشائیوں کیلئے پارکنگ پوائنٹس سے نیشنل اسٹیڈیم تک شٹل بس سروس چلے گی اور ہنگامی صورتحال سے نمٹنے کیلئے ٹیم ایس ایس یو ہیڈکوارٹرز میں الرٹ رہے گی۔