’پریانتھا کمارا کی جگہ ایک اور سری لنکن شہری کی تقرری‘

ویب ڈیسک

22nd Dec, 2021. 11:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’پریانتھا کمارا کی جگہ ایک اور سری لنکن شہری کی تقرری‘

وزیراعظم کے نمائندہ خصوصی مولانا طاہر اشرفی کا کہنا ہے کہ فیکٹری میں پریانتھا کمارا کی جگہ ایک اور سری لنکن شہری کو ہی نوکری دی گئی ہے۔

وزیراعظم عمران خان کے نمائندہ خصوصی برائے بین المذاہب ہم آہنگی علامہ طاہر اشرفی نے مولانا طارق جمیل کے ہمراہ سری لنکن ہائی کمیشن کا دورہ کیا اور سری لنکن سفیر سے ملاقات کی۔

سیالکوٹ میں مولانا طارق جمیل کے ہمراہ میڈیا سے گفتگو کرتے ہوئے نمائندہ خصوصی برائے بین المذاہب ہم آہنگی مولانا طاہر اشرفی نے کہا کہ سیالکوٹ میں پیش آنے والے افسوسناک واقعے کی تعزیت کے لیے سری لنکن ہائی کمیشن آئے ہیں۔

یہ بھی پڑھیں: سانحہ سیالکوٹ پر ہم سری لنکا والوں سے شرمندہ ہیں، مولانا طارق جمیل

وزیراعظم کے معاون خصوصی نے کہا کہ سیالکوٹ میں ہجوم کے ہاتھوں قتل ہونے والے سری لنکن شہری کے بچوں کے تعلیمی اخراجات فیکٹری مالکان نے برداشت کرنے کا اعلان کیا ہے جب کہ فیکٹری میں پریانتھا کمارا کی جگہ ایک اور سری لنکن شہری کی ہی تقرری کی گئی ہے۔

اس موقع پر سری لنکن سفیر نے کہا سری لنکن گورنمنٹ سانحہ سیالکوٹ پر پاکستانی حکومت کی جانب سے کیے گئے اقدامات سے مطمئن ہے۔

واضح رہے سیالکوٹ کی ایک فیکٹری میں سری لنکن مینجر پریانتھا کمارا کو ہجوم نے تشدد کرکے قتل کیا اور بعد ازاں ان کی لاش کو آگ لگا دی تھی۔