سابق چیف جج گلگت بلتستان رانا شمیم کا نام ای سی ایل میں ڈالنے سے متعلق درخواست ناقابل سماعت قرار دے دی گئی۔

اسلام آباد ہائیکورٹ کے چیف جسٹس اطہر من اللہ نے محفوظ فیصلہ سنا دیا۔

عدالت نے فیصلہ سنایا کہ رانا شمیم کا نام ای سی ایل میں ڈالنے اور مقدمے میں بطور پارٹی شامل ہونے سے متعلق درخواستیں مسترد کی جاتی ہیں۔

واضح رہےکہ کہ وکیل درخواست گزار رائے نواز کھرل کا کہنا تھا کہ رانا شمیم کا نام ای سی ایل میں ڈالا جائے، پہلے یا بعد میں اگر یہ فرار ہو گئے تو کیا ہو گا۔

چیف جسٹس اطہر من اللہ نے کہاکہ یہ حکومت کا کام ہے،عدالت کا کام نہیں ہے۔

وکیل رائے محمد نواز کھرل نے مزید کہاکہ ان کا نام ای سی ایل میں ڈالا جائے یا ان کا پاسپورٹ سرینڈر کرے۔

رانا شمیم معاملہ کیا ہے؟

گزشتہ ماہ ایک نگریزی اخبار میں خبر شائع ہوئی تھی جس میں رانا شمیم کے بیان حلفی سے متعلق بتایا گیا تھا، خبر میں کہا گیا کہ رانا شمیم نے نواز شریف اور مریم نواز کی اپیلوں پر سماعت کے لیے اسلام آباد ہائی کورٹ کے جج پر دباؤ ڈالا تھا۔

یہ بھی پڑھیں: رانا شمیم کا نام ای سی ایل میں ڈالنے کے لیے درخواست سماعت کیلئے مقرر

خبر شائع ہونے کے بعد اسلام آباد ہائی کورٹ نے معاملے کا نوٹس لیا تھا۔

کیس کی سماعت کے دوران رانا شمیم نے موقف اختیار کیا کہ ان کا بیان حلفی کسی اخبار میں اشاعت کے لیے نہیں تھا، ان کا بیان حلفی سر بمہر تھا اور انہیں نہیں معلوم کہ وہ کس طرح لیک ہوا۔