حسان خاور کا کہنا ہےکہ ن لیگ اب اپنی کرپشن کو چھپا نہیں سکتی۔

ترجمان پنجاب حکومت حسان خاور نے میڈیا سے گفتگو کرتے ہوئے کہاکہ ہم آپ کی گلوکاری کومانتےہیں، سیاسی گانےگا کرعوام کولوریاں نہ دیں،کرپشن کاجواب دیں۔

انہوں نے کہاکہ 2013 میں میٹروبس کا ٹھیکہ 13 ارب روپے میں دیاگیا، ہم نے میٹروبس کا ٹھیکہ 11 ارب میں کیا، ان کی کرپٹ پریکٹسزکی وجہ سےگردشی قرضےہیں۔

حسان خاور نے کہاکہ سزایافتہ مجرم بتانےسےقاصرہیں ملازمین کےاکاؤنٹ میں 16 ارب کیسے آئے، جس شخص کویہ خرید نہ سکیں اس پرالزامات لگاناشروع کردیتےہیں، حمزہ شہباز اوران کی جماعت کا وتیرہ صرف اورصرف کرپشن رہا۔

ترجمان پنجاب حکومت کا کہنا تھا کہ ہیلتھ کارڈ کیلئے400 ارب کی رقم مختص کررہےہیں، عوام ان کےجھانسےمیں نہیں آئیں گے،یہ ان کےمستقبل کامسئلہ ہے،صحت کارڈ سے10  لاکھ کا مفت علاج کرواسکتےہیں۔

ان کا کہنا تھا کہ اپوزیشن کےخوابوں میں بھی حکومتی کارکردگی سامنےآرہی ہے، چینی کنٹرول ریٹ کےساتھ رعایتی قیمت پربھی دستیاب ہے، احساس راشن پروگرام سے 30 فیصد سبسڈی دی جائےگی۔

یہ بھی پڑھیں: حکومت مہنگائی کا حجم کم کرنے کیلئے موثر اقدامات کررہی ہے، حسان خاور

حسان خاور نے کہاکہ پیپلزپارٹی نےووٹ کا وہی ریٹ دیاجولاہورضمنی الیکشن میں رکھاگیا، ن لیگ نے ووٹ کیلئے راشن دیناشروع کردیا، ن لیگ نے راشن دے کرووٹ کوعزت دینا شروع کردیا، لگتا ہےن لیگ والے احساس راشن پروگرام سےمتاثرہوگئے۔

ترجمان پنجاب حکومت حسان خاور کا مزید کہنا تھا کہ الیکشن کمیشن ووٹ کی خریدوفروخت کانوٹس لے، خانیوال ضمنی الیکشن وہی ٹریلرہے جواین اے 133 میں دیکھاگیا، اپوزیشن کی بڑی جماعتوں نےخریدوفروخت کاسلسلہ جاری رکھا۔