ماہرین فلکیات نے خلا میں ایک بڑے شمسی طوفان کی وارننگ جاری کردی ہے۔

ماہرین طبیعات و فلکیات کے مطابق سورج سے روشنی کے دو بڑے گولے خارج ہوتے دکھائی  دے رہےہیں، جس کے بعد شمسی طوفان کی آمد کو مد نظر رکھتے ہوئے زمین کے لیے وارننگ جاری کر دی گئی ہے۔

سائنس دانوں کی جانب سے  شمسی طوفان کی وارننگ سورج پر نظر آنے والے دو سن اسپاٹ (سورج کی سطح پر پائے جانے والے بڑے سیاہ دھبے جوسورج کی گردش کی وجہ سے اس کی سطح پر حرکت کرتے دکھائی دیتے ہیں) کے بعد جاری کی گئی ہے۔

 اس دھبوں کو کورونل ہول کا نام دیا گیا ہے جو سورج کے اوپری ایٹموسفیر میں اس وقت تشکیل پاتے ہیں جب  پلازمہ کم کثیف اور دوسرے حصوں کی نسبت زیادہ ٹھنڈا ہو۔ جب سورج کا زیادہ تر مقناطیسی میدان بند ہوجاتا ہے تو پھر یہ  کورونل ہولز ایک مقناطیسی میدان کھول دیتے ہیں جو خلا میں سیاروں اور سورج کے درمیان پھیل کر شمسی ہواؤوں کا سبب بنتا ہے۔

اس ممکنہ شمسی طوفان سے زمین کو لاحق خطرات کے بارے میں خلائی موسم پر نظر رکھنے والی ماہر طبیعات ڈاکٹر ٹمیتھا کا کہنا ہے کہ’ اس طوفان سے زمین کو براہ راست کوئی خطرہ لاحق نہیں لیکن ہم ہائی الرٹ ہیں۔ اس وقت ہم زمین سے سورج کے گرد متعد د سن اسپاٹ کا ہجوم دیکھ رہے ہیں، جن میں سے دو کافی بڑے ہیں۔‘

Yes, it looks like the pocket of fast #solar wind from the small coronal hole is over-performing! We should enjoy a bit of #aurora over the next few hours at least. What a great holiday gift for those in the UK, Iceland, & possibly East Coast of Canada, if these conditions last! https://t.co/DscYHxVG5c

— Dr. Tamitha Skov (@TamithaSkov) December 19, 2021

ان کا مزید کہنا تھا کہ اس طوفان کے زمین پر اثرات 24 دسمبر تک مرتب ہوسکتے ہیں جس کے نتیجے میں ہم زمین پر کچھ گھنٹوں تک قطبی روشنیوں سے لطف اندوز ہو سکیں گے۔ جو کہ کرسمس کے موقع پر برطانیہ، آئس لیند اور کینیڈا کے مشرقی ساحلوں پر موجود افراد کے لیے چھٹیوں کا بہترین تحفہ ہوگا۔

اس شمسی طوفان کے نتیجے میں جہازوں کی پروازیں، جی پی ایس سگنلز اور زیر آب موجود کیبلز متاثر ہوسکتی ہیں۔