مشہد سے کراچی کے لیے پی آئی اے کی براہ راست پروازیں شروع کرنے پر اتفاق

سفیر الٰہی

02nd Dec, 2021. 06:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشہد سے کراچی کے لیے پی آئی اے کی براہ راست پروازیں شروع کرنے پر اتفاق

کراچی: قومی ائیرلائن پی آئی اے کے چیف ایگزیکیوٹیو آفیسر (سی ای او) ایئر مارشل (ر) ارشد ملک کی ایران کے سفیر محمد علی حسینی سے ملاقات ہوئی۔

ملاقات میں ہوا بازی کے شعبے میں دوطرفہ تعلقات پر تبادلہ خیال اور دوطرفہ تعاون بڑھانے پر اتفاق کیا گیا۔

دورانِ گفتگو ایران کے شہر مشہد سے کراچی کے لیے پی آئی اے کی براہ راست پروازیں شروع کرنے پر بھی اتفاق ہوا۔

یہ بھی پڑھیں: ‘پی آئی اے کے ساتھ شام کیلئے ہفتہ وار دو پروازیں چلانے پر بات چیت کی جائے ‘

پروازیں شروع کرنے کا مقصد دونوں ہمسایہ ممالک اور عوام کے درمیان روابط اور سیاحت کو فروغ دینا ہے۔

پی آئی اے جنوری 2022 سے شمال مشرقی ایران کے شہر مشہد سے کراچی کے لیے براہ راست پروازیں شروع کرے گی۔

ترجمان پی آئی اے کا کہنا ہے کہ کراچی سے مشہد کی براہ راست پروازوں کے آغاز سے دونوں ہمسایہ ممالک کے عوام کو فائدہ ہوگا۔

براہ راست پروازوں سے ایران میں مقدس مقامات کی زیارت اور تجارتی وفود کا تبادلہ بھی شامل ہے۔

سی ای او پی آئی اے کا کہنا ہے کہ پی آئی اے زائرین کی سہولیات کے لئے شام ، عراق اور ایران کے سیکٹر پر پروازوں میں اضافے پر زیادہ توجہ دے رہا ہے۔