ڈاکٹر ثانیہ نشتر کا کہنا ہے کہ 77 لاکھ سے زائد گھرانے احساس راشن پورٹل پر رجسٹر ہوگئے ہیں۔

 معاون خصوصی ڈاکٹر ثانیہ نشترنے دورہ پشاور کے دوران وزیراعظم عمران خان کو احساس راشن رعایت رجسٹریشن کی پیش رفت پربریفنگ دیتے ہوئے کہاکہ  اہل گھرانےآٹا، دالوں، خوردنی تیل ،گھی پر ماہانہ ایک ہزار رعایت حاصل کریں گے۔

ڈاکٹر ثانیہ نشتر نے کہا کہ احساس راشن رجسٹریشن ویب پورٹل پر 48.9 کروڑ کلک کیے گئےہیں، گھرانے بذریعہ 8171 رجسٹر ہو سکتے ہیں، گھرانے کا کوئی بھی فرد 8171 پر رجسٹریشن کےلیےشناختی کارڈ نمبربھیجے، شناختی کارڈ نمبرمتعلقہ رجسٹرموبائل سم سے بھیجنا ضروری ہے۔

احساس راشن رعایت رجسٹریشن مہم:1/2

Advertisement

احساس راشن رعایت رجسٹریشن مہم کی آگاہی کیلیئے وزیراعظم آج پشاور کا دورہ کریں گے۔ #EhsaasRashanRegistration pic.twitter.com/mGgNm3T2iG

— Ehsaas (@Ehsaas_Pk) December 8, 2021

انہوں نے کہاکہ احساس راشن رعایت پروگرام سے دو کروڑ خاندان مستفید ہوں گے۔

معاون خصوصی نے بریفنگ دیتے ہوئے بتایاکہ کریانہ مالکان کی رجسٹریشن بذریعہ رجسٹریشن ویب پورٹل جاری ہے، نیشنل بینک رجسٹریشن کےلیےکریانہ دکانداروں کے بینک اکاؤنٹ کھول رہا ہے، کریانہ اسٹوزمالکان کو رعایتی رقم کےساتھ پرکشش کمیشن بھی دیا جائے گا۔

ڈاکٹرثانیہ نشتر نے مزید کہاکہ قرعہ اندازی میں کریانہ مالکان کو فی سہ ماہی گاڑیاں، موٹر سائیکل، موبائل اوردیگر انعام ملیں گے۔

واضح رہےکہ الیکشن کمیشن کی جانب سے پابندی کے باوجود وزیراعظم ایک روزہ دورے پر اسلام آباد سے پشاور پہنچ گئے ہیں۔

 الیکشن کمیشن نے خیبر پختونخواہ میں بلدیاتی انتخابات کے باعث وزیراعظم کو دورہ پشاور سے روکا تھا۔

الیکشن کمیشن کا کہنا تھا کہ خیبرپختونخوا میں 19 دسمبر کو بلدیاتی انتخابات ہونے جارہے ہیں، پہلے مرحلے میں پشاور میں بھی بلدیاتی انتخابات کاانعقاد کیاجارہاہے ،انتخابی کے شیڈول کے اعلان کے بعد وزیراعظم کا متعلقہ مقام کا دورہ کرنا ضابطہ اخلاق کی خلاف وزری تصور ہوگا۔

وزیرِ اعظم عمران خان آج پشاور کا ایک روزہ دورہ کریں گے.

وزیرِ اعظم پشاور میں وزیرِ اعلی، گورنر خیبر پختونخوا اور سیاسی قیادت سے ملاقاتیں کریں گے. pic.twitter.com/ORFWhkCvh3

Advertisement

— Prime Minister’s Office, Pakistan (@PakPMO) December 8, 2021

الیکشن کمیشن کا اس حوالے سے مزید کہنا تھا کہ صدرمملکت ،وزیراعظم ، گورنرزانتخابی شیڈول کے اعلان کے بعد کسی بھی ڈویلپمنٹ اسکیم کے لئے متعلقہ حلقے کادورہ نہیں کرسکتے۔

الیکشن کمیشن کی جانب سے جاری کرہ نوٹس میان کہا گیا کہ ضابطہ اخلاق کی خلاف ورزی کرنے پر قانونی چارہ جوئی کی جاسکتی ہے، الیکشن کمیشن الیکشن ایکٹ کے سیکشن 233 اور 234 کے تحت کارروائی کرسکتاہے۔

الیکشن کمیشن نے وزیراعظم عمران خان کو یاد دہانی نوٹس بھی جاری کیا تھا ۔