گیس کی قلت کا ایل این جی کی درآمد سے کوئی تعلق نہیں، حماد اظہر

ویب ڈیسک

19th Dec, 2021. 01:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گیس کی قلت کا ایل این جی کی درآمد سے کوئی تعلق نہیں، حماد اظہر

وفاقی وزیر برائے توانائی حماد اظہر نے کہا ہے کہ سردیوں میں گیس کی قلت کا ایل این جی کی درآمد سے کوئی تعلق نہیں ہوتا۔

حماد اظہر نے اپنے جاری کردہ ایک بیان میں کہا کہ ہمارے قدرتی ذخائر 9 فیصد سالانہ کے حساب سے کم ہو رہے ہیں لیکن ڈیمانڈ ہر روز بڑھ رہی ہے، ماضی میں سیاسی بنیادوں پر گیس کنکشن دیے جاتے رہے۔

انہوں نے کہا کہ توانائی کی طلب اور رسد میں توازن لانے کے لیے متبادل ذرائع کی طرف جانا پڑے گا، گیس کا بے دریغ استعمال نہ روکا گیا تو مستقبل میں شدید مشکلات کا سامنا کرنا پڑ سکتا ہے۔

وفاقی وزیر برائے توانائی حماد اظہر کا کہنا تھا کہ ہمارے ملک میں دنیا کا سب سے بڑا ڈومیسٹک گیس پائپ لائن نیٹ ورک ہے، سردیوں میں گیس کا گھریلو استعمال پانچ گنا بڑھ جاتا ہے، سردیوں میں گیس کی قلت کا ایل این جی کی درآمد سے کوئی تعلق نہیں ہوتا۔