وزیر اعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا کہ گزشتہ 24 گھنٹوں میں 10588 نمونوں کی جانچ کی گئی۔

  سید مراد علی شاہ کا کہنا تھا کہ گزشتہ 24 گھنٹوں میں مزید 176 نئے کیسز رپورٹ ہوئے ہیں جبکہ گزشتہ 24 گھنٹوں میں مزید 3 مریض انتقال کر گئے۔

ان کا کہنا تھا کہ اموات کی مجموعی تعداد 7630 ہوچکی ہے، آج مزید 2156 مریض صحتیاب ہوئے ہیں جس کے بعد صحتیاب افراد کی مجموعی تعداد 456121 ہوچکی ہے۔

انہوں نے کہا کہ اب تک 6838123 نمونوں کی جانچ کی جا چکی ہے، جبکہ 476214 کیسز رپورٹ ہوچکے ہیں، اس وقت 3463 مریض زیرِ علاج ہیں، 3299 مریض گھروں میں، 17 آئسولیشن سینٹرز میں اور 147 مریض مختلف اسپتالوں میں زیرِ علاج ہیں۔

وزیر اعلیٰ سندھ کے مطابق 144 مریضوں کی حالت تشویشناک بتائی گئی ہے، 11 مریض وینٹی لیٹرز پر ہیں، صوبے کے 176 نئے کیسز میں سے 76 کا تعلق کراچی سے ہے، کورنگی 4، ضلع شرقی 11، ضلع جنوبی 31، ضلع وسطی اور غربی 2۔2، ملیر میں سے 1 نئے کیسز رپورٹ ہوئے ہیں۔

وزیر اعلیٰ سندھ سید مراد علی شاہ کا کہنا تھا کہ دادو 27،حیدر آباد اور میرپور خاص 15۔ 15، مٹیاری 13، ٹھٹھہ 12، جامشورو اور سجاول 11۔ 11، ٹنڈو الہیار 5 لاڑکانہ4 ، ٹنڈو محمد خان، عمر کوٹ اور تھر پارکر 3۔3، بدین اور سکھر 2۔2، سانگھڑ میں سے 1 نئے کیسز سامنے آئے ہیں۔

ان کا مزید کہنا تھا کہ گزشتہ 24 گھنٹوں میں 179847 افراد کو ویکسین لگائی جاچکی ہیں، اب تک 25194813 افراد کی ویکسینیشن کی جاچکی ہے۔