قومی ٹیم کے جارح مزاج بلے باز فخرزمان کی میچ کے دوران گراؤنڈ اسٹاف کیساتھ کھانا کھانے کی ویڈیو وائرل ہوگئی۔

نیشنل اسٹیڈیم کراچی میں کھیلے گئے قائداعظم ٹرافی کے فائنل میں دفاعی چیمپئن خیبرپختونخوا نے ناردرن کو 169 رنز کے بھاری مارجن سے شکست دیکر ٹرافی اپنے نام کرلی۔

آخری روز خیبرپختونخوا کی بولنگ کے دوران جب کھانے کا وقفہ ہوا تو قومی ٹیم کے اسٹار بلے باز فخرزمان نے ہوٹل جانے کے بجائے گراؤنڈ کے اندر ہی بیٹھے کھانا کھانے میں مصروف اسٹاف کے پاس پہنچ گئے۔

یہ بھی پڑھیں؛ خیبر پختونخوا قائداعظم ٹرافی کا چیمپئن بن گیا

فخرزمان نے وہی زمین پر بیٹھ کر گراؤنڈ اسٹاف کے ساتھ کھانا کھایا اور اس دوران ان کا ایک مداح ان کی ویڈیو بناتا رہا تاہم فخرزمان ویڈیو سے بے خبر کھانا کھانے میں مصروف دکھائی دیے۔

Beautiful gesture by Fakhar Zaman ♥️ #QeATrophyFinal pic.twitter.com/GxHra67pdh

— Shaziyaa Mehmood (@ShaziyaaMehmood) December 29, 2021

دوسری جانب ویڈیو سوشل میڈیا پر اپ لوڈ ہوتے ہی وائرل ہوگئی۔ سوشل میڈیا صارفین کی جانب سے فخرزمان کے اس عمل کی تعریف کی جارہی ہے اور انہیں سراہا جارہا ہے۔

لاہور قلندرز کے اوپننگ بلے باز کے مداحوں نے کہا ’’فخرزمان کا گراؤنڈ اسٹاف کے ساتھ بیٹھ کر کھانا کھانا ایک اچھا عمل ہے‘‘۔

ایک اور تصویر میں دیکھا جاسکتا ہے کہ میچ جیتنے کے بعد فخرزمان اپنے گراؤنڈ میں بیٹھے تماشائیوں کے پاس بھی گئے اور اپنے مداحوں کو آٹو گراف دیے اور ان کے ساتھ سیلفیز بھی بنوائیں۔

Fakhar Zaman with fans after the final of Quaid e Azam Trophy, clocked selfies with then and gifted his shirt to a young supporter. pic.twitter.com/dUKd7hPJ9w

— Faizan Lakhani (@faizanlakhani) December 29, 2021