ڈاکٹر عمران فاروق قتل کیس کے ملزمان کی سزا کے خلاف اپیلوں پر فیصلہ محفوظ

ویب ڈیسک

11th Dec, 2021. 12:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈاکٹر عمران فاروق قتل کیس کے ملزمان کی سزا کے خلاف اپیلوں پر فیصلہ محفوظ

اسلام آباد ہائی کورٹ نے ڈاکٹر عمران فاروق قتل کیس کے ملزمان کی سزا کے خلاف اپیلوں پر فیصلہ محفوظ کرلیا۔

چیف جسٹس اسلام آباد ہائی کورٹ جسٹس اطہر من اللہ اور جسٹس عامر فاروق پر مشتمل عدالت عالیہ کے دو رکنی بینچ نے ڈاکٹر عمران فاروق قتل کیس میں ملزمان کی سزا کے خلاف اپیلوں پر سماعت کی۔

دوران سماعت وفاق کی جانب سے ڈپٹی اٹارنی جنرل خواجہ امتیاز کے دلائل اور تحریری جواب گراف کے ساتھ پیش کیا گیا۔ ڈپٹی اٹارنی جنرل نے ملزمان کی اپیلیں خارج کرنے کی استدعا کی۔

عدالت عالیہ نے فریقین کے دلائل سننے کے بعد ملزمان خالد شمیم، معظم علی اور محسن علی کی سزاؤں کے خلاف اپیلوں پر فیصلہ محفوظ کرلیا.

عمران فاروق قتل کیس کا پس منظر

ڈاکٹر عمران فاروق متحدہ قومی موومنٹ کے اہم ترین رہنما تھے، انہیں 16 ستمبر 2010 کو شمالی لندن کے علاقے ایجویئر میں ان کے گھر کے پاس قتل کیا گیا تھا۔

نواز شریف کے دور حکومت میں اسلام آباد کی انسدادِ دہشت گردی کی عدالت میں ڈاکٹر عمران فاروق کے قتل کے مقدمے کی سماعت ہوئی۔

عدالت نے کیس کے 3 ملزمان خالد شمیم، محسن علی اور معظم علی کو عمر قید اور 10، 10 لاکھ روپے جرمانے کی سزا سنائی تھی۔