قومی کرکٹ ٹیم کے سابق کپتان شاہد آفریدی نے نیوزی لینڈ کے بالر اعجاز پٹیل کی شاندار باؤلنگ پر تعریفی پیغام جاری کردیا ہے۔

تفصیلات کے مطابق قومی کرکٹ ٹیم کے سابق کپتان شاہد آفریدی نے  سنماجی رابطے کی ویبسائٹ ٹویٹر پر جاری کیے گئے پیغام میں کہا کہ اعجاز پٹیل نے بہت زبردست پرفارمنس دی اور اُن کے اس شاندار کارنامے پر مبارکباد دیتا ہوں۔

Great work Ajaz!! Congratulations on a wonderful feat, I still have some memories of the 1999 Delhi Test – outstanding spell by Kumble, I was going to score my second 100 when I was given out 😀 #INDvzNZ

— Shahid Afridi (@SAfridiOfficial) December 4, 2021

سابق کپتان نے اپنے دورِ کرکٹ کو یاد کرتے ہوئے کہا کہ میرے پاس اب بھی 1999ء کے دہلی ٹیسٹ کی کچھ یادیں ہیں۔

اُنہوں نے کہا کہ انیل کمبلے کے شاندار اسپیل نے مجھے اُس وقت آؤٹ کیا تھا کہ جب میں اپنا دوسرا 100 اسکور کرنے جا رہا تھا۔

واضح رہے کہ نیوزی لینڈ اور بھارت کے درمیان جاری دوسرے ٹیسٹ میچ کی پہلی اننگز میں نیوزی لینڈ کے بالر اعجاز پٹیل نے بھارت کی پوری ٹیم آؤٹ کی۔

نیوزی لینڈ کے بالر اعجاز پٹیل ایک اننگز میں 10وکٹیں لینے والے تیسرے بولربن گئے، اعجاز پٹیل نے 119 رنز دیکر 10 کھلاڑیوں کو آؤٹ کیا۔