ہیلی کاپٹر حادثے کے بعد جنرل بپن راوت زندہ تھے ؟ ویڈیو وائرل
بھارت کے پہلے چیف آف ڈیفنس اسٹاف جنرل بپن راوت کی ہیلی کاپٹر حادثے میں ہلاکت کی تصدیق ہوگئی ہے اور اس وقت ان کی ہلاکت کے حوالے سے سوشل میڈیا پر مختلف ٹرینڈ چل رہے ہیں جس میں ’ہیلی کاپٹر کریش‘ بھی شامل ہے۔
سوشل میڈیا پر ٹرینڈز کے دوران ہی ہیلی کاپٹر حادثے کی مختلف ویڈیوز وائرل ہورہی ہیں جس میں ہوا میں ہیلی کاپٹر میں لگنے والی آگ سمیت ، ریسکیو اہلکاروں کی جانب سے ہلاک اور زخمی ہونے والوں کو ریسکیو کرنے کی ویڈیوز شامل ہیں۔
Exclusive video of General #bipinrawat after helicopter crush .#AgendaAajTak21 #IndianArmy #HelicopterCrash #helicopter #karma pic.twitter.com/bthL3eBE0B
— Zoya Fatimaज़ोया फ़ातेमाزویا (@ZoyaFatima_) December 8, 2021
جنرل بپن راوت کی ایک ویڈیو بھی وائرل ہورہی ہے جس میں انہیں ہیلی کاپٹر کے تباہ ہونے کے فوراً بعد ریسکیو کیا جارہا ہے۔ ویڈیو میں دیکھا جاسکتا ہے کہ 7،8 ریسکیو اہلکار انہیں ایک چادر میں ڈال کر لے جارہے ہیں ، ویڈیو میں بظاہر ایسا دکھائی دے رہا ہے کہ وہ زندہ ہیں لیکن حقیقت اس کے برعکس ہے اور ان کی ہلاکت حادثے کے وقت ہی ہوگئی تھی۔
اس سے قبل بھارتی فضائیہ نے ایک ٹوئٹ کے ذریعے بھارت کے پہلے چیف آف ڈیفنس اسٹاف جنرل بپن راوت اور ان کی اہلیہ سمیت 13 افراد کی ملٹری ہیلی کاپٹر حادثے میں ہلاکت کی تصدیق کردی تھی جو تامل ناڈو کی ہی حدود میں کونور کے قریب گر کر تباہ ہوگیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News