ملتان: ڈپٹی کمشنر کا کورونا مہم میں تیزی لانے کیلئے سخت اقدامات کا حکم

ویب ڈیسک

27th Dec, 2021. 05:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملتان: ڈپٹی کمشنر کا کورونا مہم میں تیزی لانے کیلئے سخت اقدامات کا حکم

ڈپٹی کمشنر عامر کریم خان نے کورونا مہم میں تیزی لانے کیلئے سخت اقدامات کا حکم دے دیا ہے۔

تفصیلات کے مطابق ڈپٹی کمشنر عامر کریم خاں کی زیرِ صدارت محکمہ صحت کا اجلاس ہوا جس میں عامر کریم خان نے محکمہ صحت کو عوامی مقامات پر کیمپ لگا کر ویکسین اہداف حاصل کرنے کا ٹاسک دے دیا۔

ان کا کہنا تھا کہ فرسٹ ڈوز لگوانے والے شہریوں کی فوری سیکنڈ ڈوز مکمل کی جائے، اجلاس میں سی ای او ہیلتھ ڈاکٹر شعیب گورمانی نے کورونا مہم پر بریفنگ بھی دی۔

انہوں نے کہا کہ حکومت پنجاب نے کورونا مہم کے حوالے سے انڈیکٹرز متعارف کرائے ہیں، ضلع کی رینکنگ میں بہتری کیلئے ہر گھر تک کورونا ویکسین ناگزیر ہے۔

ڈپٹی کمشنر عامر کریم خان کا مزید کہنا تھا کہ بس اڈوں، میرج ہالز اور عوامی مقامات پر ویکسینیشن کیمپ فعال کئے جائیں، اہداف حاصل نہ کرنے والے فیلڈ اسٹاف کے خلاف سخت کارروائی عمل میں لائی جائے گی۔