کوئٹہ سے کراچی جانے والی ٹرین بولان میل دوبارہ بحال

عارف محمود

01st Dec, 2021. 10:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کوئٹہ سے کراچی جانے والی ٹرین بولان میل دوبارہ بحال

کوئٹہ سے کراچی جانے والی واحد ٹرین بولان میل آج سے دوبارہ بحال ہوگی ہے۔

ریلوے حکام کے مطابق کورونا وائرس کے پھیلاوٴ کی وجہ سے ڈیڑھ سال قبل بولان میل کو بند کردیا گیا تھا۔

ریلوے حکام کا کہنا ہے کہ کورونا وائرس کی صورتحال میں بہتری اور عوام کی ضروریات کو مد نظر رکھتے ہوئے بولان میل آج کراچی کیلئے روانہ ہوگی۔

ریلوے حکام نے بتایا ہے کہ ٹرین میں ایک اسٹینڈ اے سی سمیت 8 بوگیاں شامل ہیں، بولان میل میں 600 کے قریب مسافر سفر کرسکیں گے۔

ریلوے حکام نے مزید بتایا ہے کہ ٹرین کل صبح 8 بجے کراچی پہنچے گی جبکہ کراچی سے کوئٹہ کے لئے شام 6 بجے روانہ ہوگی۔

واضح رہے کہ وفاقی وزیر ریلوے اعظم سواتی کچھ دیر بعد کوئٹہ ریلوے اسٹیشن پہنچیں گے۔

ذرائع کے مطابق وزیر ریلوے اعظم سواتی کوئٹہ سے کراچی جانے والی بولان میل ٹرین کا افتتاح کریں گے۔

خیال رہے کہ ٹرین افتتاح کے بعد وفاقی وزیر ریلوے تقریب سے خطاب بھی کریں گے۔