آرڈیننس کے ذریعے ایف جی تعلیمی اداروں کو ایم سی آئی کے ماتحت کرنے کا معاملہ

ویب ڈیسک

15th Dec, 2021. 03:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرڈیننس کے ذریعے ایف جی تعلیمی اداروں کو ایم سی آئی کے ماتحت کرنے کا معاملہ

آرڈیننس کے ذریعے ایف جی تعلیمی اداروں کو ایم سی آئی کے ماتحت کرنے کے خلاف اساتذہ نے جی سیون اسکول میں احتجاجی مظاہرہ کیا ہے۔

تفصیلات کے مطابق احتجاجی مظاہرے میں شریک اساتذہ کا کہنا تھا کہ حکومت مذاکرات کے بعد اپنے وعدوں پر پیش رفت نہیں کر رہی، صدراتی آرڈیننس آرٹیکل 166 کے تحت فیڈرل گورنمنٹ تعلیمی اداروں کو ایم سی آئی کے ماتحت کردیا گیا۔

اساتذہ نے جوائنٹ ایکشن کمیٹی بنا کر احتجاج شروع کیا، پارلیمنٹ کے سامنے احتجاج کے بعد مذاکرات ہوئے، مذاکرات میں کیے گئے وعدوں پر ابھی تک عمل درآمد شروع نہیں ہوسکا، جس وجہ سے اساتذہ میں تشویش پائی جاتی ہے۔

جوائنٹ ایکشن کمیٹی کے مطابق حکومت کی جانب سے ابھی تک کوئی پیش رفت نہ ہونے کی وجہ اساتذہ ایک بار پھر احتجاج پر نکلنے پر مجبور ہوئے ہیں۔

اساتذہ کا کہنا تھا کہ حکومت سے کیے مذکرات کے مطابق کلاسز میں پڑھائی جاری ہے، اپنے حق کے لیے کلاسز کے بعد احتجاج جاری رکھیں گے، جب تک حکومت مطالبات تسلیم نہیں کرتی احتجاج جاری رکھیں گے۔

اساتذہ نے کہا کہ ایم سی آئی کے ماتحت کرنے سے بچوں کی فیسز میں اضافہ ہوگا، ایجوکیشن منسٹری سے میئر کے ماتحت کرنا کسی صورت قبول نہیں۔