پاک بحریہ کا جہاز پی این ایس طغرل نے خیرسگالی کے طور پر سری لنکا کا دورہ کیا ہے۔
ترجمان پاک بحریہ کے مطابق سری لنکا کی بندرگاہ کولمبو آمد پر پاکستانی سفارتی حکام اورمیزبان بحریہ کے افسران نے جہاز کا استقبال کیا۔ میزبان عسکری حکام سے ملاقاتوں کے دوران باہمی دلچسپی کے پیشہ وارانہ امور پر تبادلہ خیال کیا گیا۔
ترجمان پاک بحریہ کا کہنا ہے کہ پاک بحریہ کے جہاز پی این ایس طغرل نے دوطرفہ بحری مشق لائن اسٹار میں بھی شرکت کی۔ پی این ایس طغرل کا سری لنکا کا دورہ اور بحری مشق میں شرکت سے دونوں دوست ممالک کے مابین تعلقات کو مزید فروغ ملے گا۔
اس سے قبل پاک بحریہ کا جہاز پی این ایس طغرل نے ملائشیا کا خیرسگالی دورہ کیا تھا۔ ملائشیا کے نیول بیس آمد پر پاکستانی سفارتی حکام اور میزبان بحریہ نے جہاز کا پرتپاک استقبال کیا۔ میزبان حکام سے ملاقاتوں کے دوران باہمی دلچسپی کے پیشہ وارانہ امور پر تبادلہ خیال کیا گیا۔ دورے کے اختتام پر پی این ایس طغرل نے میزبان بحریہ کے ہمراہ دو طرفہ بحری مشق میں حصہ لیا۔
پی این ایس طغرل کے اس خیرسگالی دورے اور بحری مشق میں شرکت سے دونوں ممالک کے مابین تعلقات کو مزید فروغ ملا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
