کراچی میں گیس کا بحران جاری ہے، شہرکے مختلف علاقوں میں گیس پریشر میں کمی کے سبب لوگوں کو سخت مشکلات کا سامنا ہے۔

صبح ہو یا شام گیس بحران نے لوگوں کواذیت میں مبتلا کردیا ہے، سرجانی ٹاؤن، لیاقت آباد، منگھو پیر، سائٹ لانڈھی ، بفرزون، ملیر اور کورنگی کے مختلف علاقوں میں گیس بحران نے مشکلات کردی ہیں۔

کراچی ایڈمنسٹریشن سوسائٹی میں 3 دن سے مکمل طور پر گیس بند ہے، رہائشی گیس سلنڈرز خرید کر کھانا پکارہے ہیں۔

شہریوں کا کہنا ہےکہ صبح دفترجاتے وقت گیس نہیں ہوتی، شام کے وقت گھر واپس آئیں تو بھی گیس نہیں ہوتی،حکومت گیس فراہمی کو یقینی بنائے۔

سوئی سدرن کمپنی کے مطابق اس وقت گیس کی مجموعی طلب 1245 ملین معکب کیوبک فیٹ ہے شہر میں گیس کا شارٹ فال 247 ایم ایم سی ایف ڈی تک پہنچ گیا جبکہ گیس کی سپلائی 998 ایم ایم سی ایف ڈی ہے۔

یہ بھی پڑھیں:پاکستان میں گیس کی قلت، برآمدی ٹیکسٹائل انڈسٹری کو گیس فراہمی بند

شہر میں گیس بحران سوئی سدرن کمپنی کمپلینٹ نمبر جاری کردیا گیا ہے ، گیس نا آنے کی صورت میں شہری دئے گئے نمبر021-32571512 پر رابطہ کر کے کمپلین درج کرواسکتے ہیں۔

دوسری جانب گزشتہ روز ترجمان سوئی ناردرن گیس نے کیپٹو پاور سیکٹر کو گیس فراہمی معطل کردی ، فیصلہ گھریلو صارفین کو بلاتعطل گیس فراہمی جاری رکھنے کے لیے کیا گیا ہے۔