خیبرپختونخوا کے بلدیاتی انتخابات میں امیدواروں نے اپنے اصل انتخابی نشانات لٹکادیے۔

دنیا بھر میں ہونے والے انتخابات میں سیاسی امیدواران ووٹرز کو اپنی جانب راغب کرنے کے لیے نت نئے طریقے ڈھونڈتے ہیں اور گھر گھر جاکر عوام کو مختلف طریقوں سے ووٹ دینے پر قائل کرنے کی بھرپور کوشش کرتے ہیں لیکن پاکستان اور بھارت میں انتخابات کے دوران بہت سے دلچسپ مناظر دیکھنے کو ملتے ہیں۔

سب سے پہلے بات کی جائے انتخابی نشانات کی تو اس میں آزاد امیدواروں کے پاس بہت کم آپشن ہوتے ہیں کیوں کہ سیاسی جماعتوں کے پاس پہلے سے ہی یہ نشان موجود ہوتا ہے لیکن آزاد امیدواروں اس معاملے میں بھی آزاد ہوتے ہیں اور وہ اپنی مرضی سے انتخابی نشان الیکشن کمیشن کی چند شرائط کے ساتھ منتخب کرواتے ہیں۔

انتخابات سے قبل تمام سیاسی اور آزاد امیدوار بھرپور مہم چلاتے ہیں اور جگہ جگہ بڑے بڑے بینرز اور پوسٹر آویزاں کرکے لوگوں کی توجہ حاصل کرنے کی کوشش کرتے ہیں۔ خیبرپختونخوا میں ہونے والے بلدیاتی انتخابات میں جہاں بڑی تعداد میں سیاسی جماعتوں نے شرکت کی وہیں آزاد امیدواروں کی بھی لمبی فہرست شامل رہی۔

بلدیاتی انتخابات کے امیدوار اپنے اپنے انتخابی نشان لٹکا کر تشہیر کررہے ہیں ۔۔۔ یہ طریقہ پہلی بار دیکھا ہے ۔
کاش کسی امیدوار کا ابتخابی نشان ، نواز شریف یا زرداری بھی ہوتا ۔۔۔ تو سوچو کتنا مزہ آتا 😂 pic.twitter.com/trlGVzLXlF

— خوشی (@aaho_aaho) December 17, 2021

سوشل میڈیا پر ایک دلچسپ تصویر وائرل ہورہی ہے جس میں چند امیدواروں نے تشہیر کے لیے انوکھا طریقہ اپناتے ہوئے ’چارپائی‘، ’موٹر سائیکل‘ اور ’ٹرالی‘ کے اپنے اصل انتخابی نشان چوک پر لٹکادیے۔

ایک صارف نے ٹوئٹ میں لکھا ’’ بلدیاتی انتخابات کے امیدوار اپنے اپنے انتخابی نشان  لٹکا کر تشہیر کررہے ہیں ، یہ طریقہ  پہلی بار دیکھا ہے ، کاش کسی امیدوار کا انتخابی نشان ، نوازشریف یا زرداری ہوتا تو سوچو کتنا مزہ آتا‘‘۔