قائداعظم ٹرافی فائنل کے چوتھے روز کھیل کے اختتام پر خیبر پختونوخواہ کی پوزیشن مستحکم ہو گئی ہے۔

 دفاعی چیمپئن خیبر پختونخوا کو ناردرن کے خلاف دوسری اننگز میں مجموعی طور پر 270 رنز کی برتری حاصل ہوگئی ہے.

خیبر پخونخوا نے 118 رنز کی سبقت کے ساتھ دوسری اننگ کا آغاز کیا اور

5 وکٹوں کے نقصان پر 152 رنز بنا لئے ہیں.

 ریحان آفریدی 42 اور پہلی اننگز میں سنچری اسکور کرنے والے کپتان افتخار احمد 24 کے انفرادی اسکور سے میچ کے آخری روز کھیل کا آغاز کریں گے.

اس سے قبل اوپنر فخر زمان 9 چوکوں اور ایک چھکے کی مدد سے 50 رنز کی اننگز کھیل کر آؤٹ ہوئے.

 خیبر پختون خواہ کے دیگر آؤٹ ہونے والے بیٹرز میں اشفاق احمد 8، صاحبزادہ فرحان 11، کامران غلام صفر اور آصف آفریدی 15 رنز بنا کر آؤٹ ہوئے.

ناردرن کے موسیٰ خان دو وکٹیں حاصل کرچکے ہیں.

اس سے قبل ناردرن نے 3 وکٹوں کے نقصان پر 184 رنز سے اپنی پہلی اننگز کا دوبارہ آغاز کیا تو محمد وسیم جونیئر اور ساجد خان کی عمدہ باؤلنگ کی بدولت اس کی پوری ٹیم 256 رنز پر آؤٹ ہوگئی.

 ساجد خان نے 54 جبکہ محمد وسیم جونیئر نے 65 رنز دے کر 4 ، 4 کھلاڑیوں کو پویلین کی راہ دکھائی.

حیدر علی 81 رنز بنا کر ٹاپ اسکورر رہے. سرمد بھٹی 57 اور محمد حریرہ 51 رنز بنا کر آؤٹ ہوئے.

ان کے علاوہ ڈبل فگرز میں داخل ہونے والے ناردرن کے باقی دو بیٹرز فیضان ریاض نے 30 اور محمد نواز نے 20 رنز بنائے.

خیبر پختونوخواہ کی ٹیم اپنی پہلی اننگز میں 374 رنز بنائے تھے. مبصر خان نے 4 اور وقاص احمد نے 3 وکٹیں حاصل کی تھیں.