اوباش نوجوانوں کی 7 سالہ بچے سے بدفعلی

ویب ڈیسک

14th Dec, 2021. 06:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اوباش نوجوانوں کی 7 سالہ بچے سے بدفعلی

نارووال ضلعے کی شمالی مشرقی تحصیل شکرگڑھ کے گاؤں حسان پور میں 2 اوباش نوجوانوں نے 7 سالہ بچے کو بدفعلی کا نشانہ بنا ڈالا۔

رپورٹ کے مطابق سات سالہ محمد طاہر کو ملزمان گھر سے شادی دکھانے کے بہانے لے گئے، ملزمان سمیع اور سمیر بچے کے ساتھ زبردستی بدفعلی کرتے رہے۔

تاہم طاہر کی والدہ اپنے بچے کو تلاش کرتی موقعے پر پہنچ گئیں، ملزمان بچے کو خون میں لت پت چھوڑ کر موقع سے فرار ہونے میں کامیاب ہوگئے۔

بچے کو تشویش ناک حالت میں ہسپتال منتقل کر دیا گیا، ابتدائی میڈیکل رپورٹ کے مطابق بچے کے ساتھ زبردستی بار بار بدفعلی کی گئی۔

پولیس نے مقدمہ درج کر کے ملزمان کی گرفتاری کے لیے چھاپے مارنے شروع کردئے ہیں۔

خیال رہے کہ ملک بھر میں خصوصاً پنجاب اور سندھ میں بچوں سے زیادتی کے واقعات گزرتے شب و روز کے ساتھ بڑھتے جارہے ہیں۔

قانون نافذ کرنے والے اور دیگر متعلقہ حکومتی ادارے اس گھناونے فعل کی روک تھام میں مکمل طور پر ناکام ہوچکے ہیں۔

ایک طرف جہاں ملزمان کو اعلیٰ شخصیات کی سرپرستی حاصل ہوتی ہے تو دوسری جانب ان کے خلاف اسمبلیوں میں پیش کئے جانے والے سخت سزاوں کے بل کے خلاف ووٹ دئے جاتے ہیں۔

جس کے باعث اس بدترین جرم میں ملوث افراد کو مزید ہمت ملتی ہے۔