دنیا بھر میں لاہور نے فضائی آلودگی کے اعتبار سے اپنی پوزیشن پہلے نمبر پر برقرار ر کھی ہوئی ہے۔

لاہور میں ناصرف اسموگ نے ڈیرے ڈالے ہوئے ہیں بلکہ شہری آنکھوں اورسانس کی بیماریوں میں بھی مبتلا ہو رہے ہیں۔

یہ بھی پڑھیں: کراچی میں سردی کی لہر کب تک رہے گی؟

ایئرکوالٹی انڈیکس کے مطابق لاہورکی فضاؤں میں آلودہ ذرات کی مقدار 375 پرٹیکیولیٹ میٹرز ریکارڈ کی گئی۔

ایئرکوالٹی انڈیکس کی درجہ بندی

ایئرکوالٹی انڈیکس کی درجہ بندی کے مطابق 151 سے 200 درجے تک آلودگی مضرِ صحت ہے۔

201 سے 300 درجے تک کی آلودگی انتہائی مضرِ صحت ہوتی ہے جبکہ 301 سے زائد درجہ خطرناک آلودگی کو ظاہر کرتا ہے۔

کراچی میں سردی کی لہر

کراچی میں بھی سردی کی شدت میں اچانک اضافہ ہوگیا ہے۔

محکمہ مو سمیات کے مطابق آج کم سے کم درجہ حرارت 10.8 ڈگری سینٹی گریڈ ریکارڈ کیا گیا۔

آج ہوا میں نمی کا تناسب 54 فیصد جبکہ زیادہ سے زیادہ درجہ حرارت 24 ڈگری سینٹی گریڈ ریکارڈ ہونے کا امکان ہے۔

 شہرقائد میں 18 کلو میٹر فی گھنٹہ کی رفتار سے شمال مشرقی ہوا چل رہی ہے، آج مطلع صاف رہے گا البتہ بارش کا کوئی امکان نہیں ہے۔

محکمہ موسمیات نے کراچی والوں کو خبردار کرتے ہوئے مزید کہا ہے کہ سردی کی لہر 21 دسمبر تک جاری رہے گی۔