اسد عمر کا کہنا ہےکہ پورے سندھ میں فیصلے کا وقت آگیا ہے۔

وفاقی وزیر برائے منصوبہ بندی اور این سی او سی کے سربراہ اسد عمر نے میڈیا ٹاک کرتے ہوئے کہاکہ سندھ کیلئےفیصلےکاوقت ہے، مزید انتظارنہیں کرسکتے، پورے سندھ میں تحریک چلا ئیں گے۔

انہوں نے کہاکہ سندھ کی بہتری کیلئے تمام آپشن استعمال کریں گے، قومی اسمبلی اورسینیٹ میں بھی معاملے پرآوازاٹھائیں گے،تمام اسٹیک ہولڈرزکوآئندہ کالائحہ عمل طےکرناہوگا۔

اسد عمر نے کہاکہ سندھ حکومت سے وفاق کے منصوبوں پرہمیں کوئی شکایت نہیں، بلدیاتی نظام کامسئلہ صرف کراچی نہیں پورےسندھ کاہے، سندھ میں آپ کی عددی اکثریت ہے،ہماری آواز دبا نہیں سکتے،اقلیت کہیں یاکچھ اورہم اپنی آوازاٹھاتےرہیں گے، پہلےبھی کسی نےاقلیت کہا،اسمبلی میں بتایاپاکستان کس کےوو ٹ سےبنا۔

وفاقی وزیر نے کہاکہ سندھ میں میئرکوتمام اختیارات دیےجائیں،بلڈنگ کنٹرول ، واٹربورڈ کے اختیارات میئرکے پاس ہونےچاہئیں، سندھ میں واٹربورڈ کےاختیارات صوبائی حکومت کو دے دیے گئے ۔

ان کا کہنا تھا کہ اسلام آباد میں تمام اختیارات میئرکودے دیے،اسلام آباد میں تعلیم سمیت دیگر محکمے میئر کے ماتحت کردیے،خیبرپختونخوامیں بااختیاربلدیاتی نظام لایاگیاتھا۔

اسدعمر نے کہاکہ وسیم اخترنےکہا تھا کے پی کے میئروالا اختیاردے دیں مسائل حل کر دو نگا، اختیارات نچلی سطح پرمنتقل کرنےتک مسائل حل نہیں ہوسکتے،آئین کےمطابق مقامی حکومت کے بغیر جمہوری  نظام نامکمل ہے،آئین میں مقامی حکومت کی ذمہ داری صوبوں کودی گئی،آئین میں بلدیاتی نظام صوبوں کودیناغلطی تھی۔

وفاقی وزیراسدعمر نے مزید کہاکہ ایسا نظام چاہتےہیں جس میں منتخب ارکان عوام کےمسائل حل کریں، نظام سے حکمران آجاتے ہیں،جائیدادیں بناتے ہیں ،حکمران امیر ہوجاتے ہیں عوام کے مسائل حل نہیں ہوتے ، سیاسی مقصد لیکر چلیں گے تو کامیاب نہیں ہوں گے،لاڑکانہ، گھوٹکی میں بھی حالات بہترنہیں۔