بزنس کمیونٹی ملکی ترقی میں ریڑھ کی ہڈی کی حیثیت رکھتی ہے، چیئرمین نیب

ویب ڈیسک

22nd Dec, 2021. 12:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بزنس کمیونٹی ملکی ترقی میں ریڑھ کی ہڈی کی حیثیت رکھتی ہے، چیئرمین نیب

چیئرمین نیب جسٹس (ر) جاوید اقبال نے کہا ہے کہ بزنس کمیونٹی ملکی ترقی و خوشحالی میں ریڑھ کی ہڈی کی حیثیت رکھتی ہے۔

چیئرمین نیب جسٹس (ر) جاوید اقبال سے منڈی بہائوالدین چیمبر آف کامرس اینڈ انڈسٹری کےوفد کی ملاقات ہوئی جس میں منڈی بہائو الدین چیمبر آف کامرس اینڈ انڈسٹری کے وفد نے نیب کی ملک کو کرپشن فری بنانے کیلئے کوششوں کو سراہا۔

اس موقع پر چیئرمین نیب نے کہا کہ بزنس کمیونٹی ملکی ترقی و خوشحالی میں ریڑھ کی ہڈی کی حیثیت رکھتی ہے، نیب بزنس فرینڈلی ادارہ ہے جو بزنس کمیونٹی کے مسائل کے حل کو اولین ترجیح دیتا ہے۔

ان کا کہنا تھا کہ نیب نے گذشتہ چار سالوں میں 539 ارب روپے بلاواسطہ اور بالواسطہ طور پر نہ صرف برآمد کئے بلکہ ہزاروں ہائوسنگ سوسائٹیز کے متاثرین، دیگر سرکاری اور غیر سرکاری اداروں کے حوالے کئے۔

چیئرمین نیب جسٹس (ر) جاوید اقبال کا مزید کہنا تھا کہ نیب بزنس کمیونٹی کی ملکی ترقی و خوشحالی کیلئے خدمات کو انتہائی قدر کی نگاہ سے دیکھتا ہے، نیب کے کسی اقدام سے بزنس کمیونٹی کیلئے نہ پہلے مشکلات پیدا ہوئیں اور نہ اب ہوں گی۔