مسلم لیگ (ن) کے مرکزی سیکرٹری جنرل احسن اقبال نے کہا ہے کہ موجودہ حکومت کی نااہلی سے (ن) لیگ کے منصوبوں میں تاخیر ہوئی۔

سماجی رابطے کی ویب سائٹ ٹوئٹر پر اپنے جاری کردہ ایک پیغام میں احسن اقبال کا کہنا تھا کہ مسلم لیگ (ن) کا اگلا منصوبہ جس پر فیتہ کاٹا جائے گا سی پیک کا مغربی روٹ ہے جسے دسمبر 2018 تک مکمل کیا جانا تھا مگر موجودہ حکومت کی نااہلی اور فنڈز کی عدم دستیابی کی بدولت سوا تین سال کی تاخیر ہو چکی ہے۔

مسلم لیگ ن کا اگلا منصوبہ جس پر فیتہ کاٹا جائیگا سی پیک کا مغربی روٹ ہے جسے دسمبر 2018 تک مکمل کیا جانا تھا مگر موجودہ حکومت کی نااہلی اور فنڈز کی عدم دستیابی کی بدولت سوا تین سال کی تاخیر ہو چکی ہے- اس کا سنگ بنیاد جناب نواز شریف نے 17 مئی 2016 کو رکھا تھا- pic.twitter.com/dqHqY5Yi26

— Ahsan Iqbal (@betterpakistan) December 12, 2021

ان کا کہنا تھا کہ اس منصوبے کی سنگ بنیاد جناب نواز شریف نے 17 مئی 2016 کو رکھی تھی۔

اپنے ایک اور پیغام میں مسلم لیگ (ن) کے مرکزی سیکرٹری جنرل احسن اقبال کا کہنا تھا کہ کپتان نے زمینداروں اور کسانوں کو بھی رلا دیا ہے جو کھاد لینے کے لئے رل رہے ہیں اور کھاد بلیک میں مل رہی ہے وہ بھی ملاوٹ والی، پہلے ڈی اے پی نہیں ملی اب یوریا بھی بلیک ہو رہی ہے۔

کپتان نے زمینداروں اور کسانوں کو بھی رلا دیا ہے جو کھاد لینے کے لئے رل رہے ہیں اور کھاد بلیک میں مل رہی ہے وہ بھی ملاوٹ والی۔ پہلے ڈی اے پی نہیں ملی اب یوریا بھی بلیک ہو رہی ہے-

مافیاز کو کھلی چھٹی ہے لوگوں کو جتنا مرضی نچوڑو اور مگر کپتان کو چندہ دو سب معاف ہے-

— Ahsan Iqbal (@betterpakistan) December 12, 2021

انہوں نے کہا کہ مافیاز کو کھلی چھٹی ہے لوگوں کو جتنا مرضی نچوڑو اور مگر کپتان کو چندہ دو سب معاف ہے۔