پاکستان پیپلز پارٹی کے چیئرمین بلاول بھٹو زرداری نے کہا کہ سندھ کی ثقافت انسانی تاریخ کی ایک عظیم تہذیب کا عکس اور تسلسل ہے۔

انہوں نے یومِ سندھی ثقافت پر پیغام دیتے ہوئے کہا کہ سندھ کے لوگ تاریخی طور بھادر، رواداری پسند، مہمان نواز اور وسعتِ قلب کے مالک رہے ہیں۔

بلاول بھٹو زرداری نے اہلیانِ سندھ سمیت پوری قوم کو یومِ سندھی ثقافت کی مبارکباد دی ہے۔

انہوں نے کہا کہ ثقافتی دن منانے سے معاشرے میں بھائی چارے کو فروغ ملتا ہے اور رواداری و ہم آہنگی کے رجحانات پروان چڑھتے ہیں۔

پیپلز پارٹی کے چیئرمین کا کہنا ہے کہ بلاشبہ پاکستان کے ہر صوبے اور علاقے کی ثقافت ایک منفرد پہچان اور افادیت کی حامل ہے۔

بلاول بھٹو زرداری نے مزید کہا کہ پاکستان کے ثقافتی ورثے کو عالمی سطح پر اجاگر کرنے کے لیئے پاکستانی نوجوان قائدانہ کردار ادا کریں۔

واضح رہے کہ وادی سندھ کی صدیوں پرانی تہذیب کو فروغ دینے کے لیے آج سندھ کا ثقافتی دن روایتی جوش و جذبے کے ساتھ منایا جا رہا ہے، اس دن کو منانے کے لیے صوبے بھر میں سرکاری اور غیر سرکاری سطح پر مختلف پروگرام منعقد کیے گئے ہیں۔

عوام کی جانب سے ثقافتی دن پر مختلف مقامات سے ریلیوں کا بھی انعقاد کیا گیا ہے، لوگ سندھ ٹوپی اور اجرک پہن کر سندھ ثقافتی میوزک پرجھوم رہے ہیں اور بچوں کی موج مستیاں بھی جاری ہیں۔

 خیال رہے کہ ثقافتی تقریبات میں تقاریر، ٹیوز، اسٹیج ڈراماز اور سندھی فنکار اپنے فن کا مظاہرہ کرینگے۔