اے پی ایس کے واقعے پر ہر باضمیر انسان کا دل خون آلود ہے، آصف زرداری

ویب ڈیسک

16th Dec, 2021. 02:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اے پی ایس کے واقعے پر ہر باضمیر انسان کا دل خون آلود ہے، آصف زرداری

آصف زرداری کا کہنا ہے کہ اے پی ایس کے واقعے پر ناصرف شہدا کے اہل خانہ بلکہ ہر باضمیر انسان کا دل خون آلود ہے۔

پاکستان پیپلز پارٹی کے شریک چئیرمین اور سابق صدر آصف علی زرداری نے سانحہ اے پی ایس کے حوالے سے جاری کردہ اپنے پیغام میں کہاکہ اگر موقع ملا تو بے رحم دہشت گردوں کو کٹہرے میں لاکر انہیں کیفر کردار تک پہنچایا جائے گا۔

یہ بھی پڑھیں: سانحہ اے پی ایس، ہم کبھی نہیں بھولیں گے!

سابق صدر نے سانحہ اے پی ایس کے شہدا کو خراج تحسین پیش کرتے ہوئے کہا کہ جب تک قاتلوں، منصوبہ سازوں اور ان کے سہولت کاروں کو کٹہرے میں نہیں لایا جائےگا قوم شہدا کی مقروض رہے گی۔

واضح رہےکہ 16 دسمبر 2014 کی صبح دہشت گردوں نے پشاور کے آرمی پبلک اسکول میں بزدلانہ کارروائی کرتے ہوئے 132 طالب علموں سمیت 141 افراد کو شہید کردیا تھا۔

معصوم بچوں پرحملہ کرنے والے دہشت گردوں کو افواج پاکستان نے اسی وقت آپریشن میں جہنم واصل کردیا جبکہ سہولت کار بعد میں پھانسی پر چڑھ گئے لیکن 16 دسمبر کا وہ دن ملک کی تاریخ کا بھیانک خواب بن کررہ گیا۔