جنید صفدر کے ولیمے میں مریم نواز اور حمزہ شہباز کے گانا گانے کی ویڈیو وائرل ہوگئی۔ 

مسلم لیگ (ن) کی نائب صدر مریم نواز کے اکلوتے صاحبزادے جنید صفدر کے ولیمہ کی تقریبات لاہور جاتی امراء میں جاری ہیں جس کے لیے جنید صفدر آج ہی لندن سے پاکستان پہنچے ہیں اور جنید صفدر کی اہلیہ بھی ان کے ہمراہ نجی ائیر لائن سے پاکستان پہنچیں۔

ذرائع کا کہنا ہے کہ جنید صفدر کا ولیمہ 17 دسمبر کو جاتی امراء میں ہوگا جس کی تیاریاں عروج پر ہیں ، جنید صفدر ولیمے کے لیے اپنا جوڑا لندن سے ہی ساتھ لائیں ہیں جب کہ ان کی والدہ مریم نواز نے بھی اپنے بیٹے کے لیے معروف ڈیزائنر سے جوڑے تیار کروا رکھے ہیں۔

https://twitter.com/NaiiimaKhan1/status/1467824480911192068

جنید صفدر کے ولیمے کے حوالے سے تقریبات کا سلسلہ آج سے ہی جاتی امراء میں جاری ہے ، اس حوالے سے سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ اسٹیج پر پنجاب اسمبلی میں اپوزیشن لیڈر حمزہ شہباز شریف موجود ہیں اور ان کے ہمراہ مریم نواز بھی دکھائی دے رہی ہیں۔

یہ بھی پڑھیں: پاکستانی اداکارائیں جنید صفدر کی گلوکاری کی معترف

سوشل میڈیا پر وائرل ہونے والی ویڈیو میں حمزہ شہباز اور مریم نواز کو گانا گاتے ہوئے دیکھا جاسکتا ہے۔ مریم نواز نے تقریب میں ’’جب کوئی بات بگڑ جائے جب کوئی مشکل پڑ جائے تم دینا ساتھ میرا او ہمنوا‘‘ گایا جب کہ حمزہ شہباز نے ’’تمہیں کوئی اور دیکھے تو جلتا ہے دل‘‘ گایا۔

@MaryamNSharif Singing skills are pretty much cool.#MaryamNawaz Singing in Junaid Safdar Wedding. pic.twitter.com/ugyIQC58X9

— Uzair Chaudhary (@Uzairismm) December 6, 2021

اس سے قبل مریم نواز کے صاحبزادے جنید صفدر نے لاہور پہنچ کر سب سے پہلے اپنی نانی اور خاندان کے بزرگوں کی قبروں پر فاتحہ خوانی کی۔

خیال رہے جنید صفدر کا نکاح رواں سال 22 اگست کو لندن میں عائشہ سیف کے ساتھ  ہوا تھا جس میں سابق وزیراعظم نواز شریف، سینیٹر اسحاق ڈار ، قریبی رشتہ داروں اور دوست احباب نے شرکت کی تھی۔